Futbol bo‘yicha Janubiy Koreya chempionatida 8-may, juma kuni 2020-yilgi mavsum start oldi.
Mavsumning ochilish o‘yini “Chonbuk Motors” va “Suvon” jamoalari o‘rtasida kechdi. Mazkur bahsda Li Don Gukning 84-daqiqadagi goli maydon egalariga g‘alaba olib keldi. Shu tariqa 41 yoshli futbolchi o‘zining K-Ligadagi 22-mavsumida gol urishga erishdi.
Turning qolgan o‘yinlari 9 va 10-may kunlari bo‘lib o‘tadi. 9-may, shanba kuni Rustam Ashurmatov harakat qilayotgan “Kvanju” o‘z maydonida “Sonnam”ni qabul qiladi. Sonnamliklar safida yana bir o‘zbekistonlik futbolchi Jamshid Iskandarov harakat qiladi.
10-may kuni yana ikki nafar o‘zbekistonlik futbolchi harakat qilayotgan klublar o‘z o‘yinini o‘tkazadi. Doston Tursunov jamoasi “Pusan Ay Park” safarda “Poxang Stilers”ga qarshi bahs yuritsa, Ikrom Aliboyev klubi “Seul” “Kanvon” mehmoni bo‘ladi.
Key-Liga
1-tur bahslari
8-may, juma
“Chonbuk Motors” — “Suvon” 1:0
9-may, shanba10:00. “Ulsan Hyonday” — “Sangju Sangmu”
12:30. “Inchhon Yunayted” — “Tegu”
15:00. “Kvanju” — “Sonnam”
10-may, yakshanba10:00. “Poxan Stilers” — “Pusan Ay Park”
12:30. “Kanvon” — “Seul”
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)