Bugun,

  • USD 11095.31
  • RUB 173.84
  • EUR 10772.44

Belarus prezidenti Aleksandr Lukashenkoning ma’lum qilishicha, mamlakatda koronavirusga chalinib, vafot etganlarning o‘limiga mazkur infeksiya emas, balki “surunkali kasalliklar to‘plami” sabab bo‘lgan. Bu haqda mamlakat prezidentining rasmiy saytida xabar berildi.

Foto: “President.gov.by”

Foto: “President.gov.by”

“Odamlar qo‘rqmoqda. Shuning uchun men ularga quyidagilarni aytmoqchiman: mamlakatda birorta ham odam koronavirusdan o‘lmadi. Birorta ham. Ular o‘zida bo‘lgan surunkali kasalliklar to‘plamidan o‘ldi. Koronavirus — bu hatto turtki ham emas. Bu ularning surunkali kasalliklari rivojlangan atmosfera. Mana, sabab nimada. Shuning uchun aytyapmanki, bizda aynan koronavirusdan hech kim vafot etmadi”, — degan Lukashenko.

Uning so‘zlariga ko‘ra, koronavirusga chalingan ba’zi kishilar shu darajada vahima qilmoqdaki, hatto koronavirusni aniqlash bo‘yicha tekshiruv natijalari ijobiy chiqqan kishilar ham hayot uchun kurashmay qo‘ydi.

“Hatto qayg‘urishmasin ham. Bizning mamlakatda hech kim koronavirusdan o‘lmaydi. Men buni omma oldida ma’lum qilyapman. Bu mening tahlillardan kelib chiqqan qat’iy ishonchim. Bizda joriy yilning tajribasi bor. Biz odamlarni qutqarish uchun dorilar kombinatsiyasini topdik. Shuning uchun har bir kishi uchun kurashmaymiz, balki jang qilamiz. Agar biror odam taqdirga tan bermagan bo‘lsa, u, albatta, tuzaladi”, — deya bayonot bergan Lukashenko.

Belarus Sog‘liqni saqlash vazirligining ma’lumotlariga ko‘ra, 13-aprel holati bo‘yicha mamlakatda 2919 kishida koronavirus aniqlangan, 203 kishi tuzalgan, 29 kishi vafot etgan.

Belarusda keng qamrovli karantin choralari joriy qilinmagan. Mamlakat chegaralari ochiq, davlat va xususiy kompaniyalar ish faoliyatini davom ettirmoqda. Mamlakatda futbol chempionati davom etmoqda.

Koronavirus sababli Belarus hukumati xorijdan kelganlarga nisbatan “o‘zini yakkalash” rejimini tatbiq qilmoqda. Mamlakatda xorijliklar ishtirokidagi ommaviy tadbirlar taqiqlangan, maktablarda ta’tillar uzaytirilgan va kasalxonalarda rejalashtirilgan operatsiyalar va muolajalar qoldirilgan. Qolgan holatlarda tavsiyalar bilan cheklanilmoqda: odamlar ko‘p to‘planadigan joylarga bormaslik, masofa saqlash, masofadan ishlash.

Avvalroq O‘zbekiston Belarusga koronavirusga qarshi kurashda foydalanish uchun insonparvarlik yordamini jo‘natgani haqida xabar berilgan edi.

Izoh
Asosiy yangiliklar
Mahalliy
Rossiya bosh vaziri Mishustin O‘zbekistonga keldi (foto)
Dunyo
“Daryo” kundaligida 1-dekabrda sodir bo‘lgan eng muhim voqealar
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi