Bugun,

  • USD 11095.31
  • RUB 173.84
  • EUR 10772.44

Yevropa Ittifoqi boshqa davlatlarni Suriya, Venesuela, Eron va Shimoliy Koreyadan koronavirus tarqalishi munosabati bilan tibbiy va gumanitar yordam ko‘rsatishga to‘sqinlik qiluvchi sanksiyalarni bekor qilishga chaqirdi. Bu haqda YI diplomatiyasi rahbari Jozep Borrelga tayanib, “TASS” xabar berdi.

Foto: EPA

Foto: EPA

“Bizning sanksiyalarimiz gumanitar yordam ko‘rsatishga xalaqit bermayapti. Boshqa mamlakatlar ham shunday yo‘l tutib, sanksiyaga uchragan davlatlarga tibbiyot qurilmalari yetib borishiga ishonch hosil qilishini istaymiz. Masalan, Suriya, Venesuela, Eron, KXDRga”, — deydi Borrel. U pandemiya vaqtida BMT bosh kotibining sanksiyalarni yechish to‘g‘risidagi chaqiruvini qo‘llab-quvvatlashini bildirgan.

O‘tgan hafta Yevropa Ittifoqining tashqi ishlar va xavfsizlik siyosati bo‘yicha oliy vakili ham BMT bosh kotibi Antoniu Guterrishning fikrini quvvatlab, G20 davlatlarini boshqa davlatlarga qo‘yilgan sanksiyalarni yechishga chaqirgandi.

BMT bosh kotibi 24-mart kuni barcha davlatlarni bir qator mamlakatlarga nisbatan mavjud sanksiyalarni yumshatishga, shuningdek, harbiy harakatlarga chek qo‘yishga chaqirgan. Avvalroq BMT koronavirus tufayli dunyoning barcha mamlakatlarini migrantlar va qochqinlarni ozod etishga chaqirgandi.

Eslatib o‘tamiz, 1-aprel kuni BMT bosh kotibi koronavirusga qarshi kurashish uchun jahon YaIMining 10 foizi miqdorida pul chop etishni taklif qildi.

Izoh
Asosiy yangiliklar
Mahalliy
Andijonda kredit mablag‘larini o‘zlashtirgan rahbarlarga jinoyat ishi qo‘zg‘atildi
Mahalliy
O‘tgan yili birja bozorlarimiz rekord darajada o‘sdi — Respublika valyuta birjasi
Iqtisodiyot
“Rossiyaga qarshi eng yaxshi strategik javob”: Ukraina farmatsevtika kompaniyasi O‘zbekistondagi “Reka-Med”ni sotib oldi