Pandemiya mavjudligini inkor etuvchi Coronavirus Challenge’da ishtirok etib, jamoat joyidagi hojatxona unitazini yalagan amerikalik TikTok-bloger Lars koronavirus yuqtirib oldi, deb yozadi Medialeaks.

Foto: Medialeaks

Bloger 20-mart kuni ushbu tajribaga qo‘shilishga qaror qilgan va uni muvaffaqiyatli bajargan. Shundan so‘ng, o‘zidan mamnun Lars videoni Twitter va TikTok’dagi sahifalariga “Koronavirus haqidagi ma’lumotlarni tarqating” deya joylashtirgan.

Oradan ikki kun o‘tgach bloger ijtimoiy tarmoqlarga shifoxonada yotgani va koronavirus uchun topshirgan testi ijobiy chiqqani tasvirlangan rolikni joylashtirgan. Hozirda ushbu rolikni ko‘rishning iloji yo‘q, chunki Lars o‘zining Twitter’dagi akkauntini bloklab qo‘yib, TikTok’dagi barcha videolarini o‘chirib tashlagan. Biroq uni skrinshot qilishga ulgurib qolganlar ham bor.

Skrinshot: LARZ

Ekspertlarning ta’kidlashicha, Lars koronavirusni aynan unitazdan yuqtirib olmagan, chunki COVID-19’ning inkubatsion davri 14 kunni davom etadi.