“Daryo” hafta tvitlari ruknida mikroblogning va umuman dunyoning asosiy mavzusiga aylangan koronavirus haqida aytilgan eng muhim fikrlarni keltiradi.

“Ogayo, Illinoys, Nyu-York shtatlari gubernatorlariga katta rahmat. Bu shtatlar rahbariyati Covid–19 virusining tarqalishini oldini olish borasida maktablarni ta’tilga chiqarmoqda, ommaviy tadbirlarni cheklamoqda, bar va restoranlarni yopmoqda. Bu jarayonni ishga solish keskin siyosat bo‘lsa-da, eng to‘g‘ri usuldir”, – Hillari Klinton, AQSh senatori.

“Koronavirus xavf solib turgan bir vaziyatda Tojikistonda Navro‘z bayrami tantanalarining o‘tkazilayotgani Tojikiston idora tizimining qanchalik mas’uliyatsiz ekanini ko‘rsatmoqda”, – Pol Stronski, Carnegie Endow jamg‘armasi xodimi.

“Virusni butun dunyoda tugatmaguncha barcha davlatlar bir-biriga yordam beradi, xavotir olmanglar. Xitoy virusni yengdi. Boshqa davlatlarga yordamlashadi. Amerika tuzalib olsa, ular ham virusga qarshi kurashda yordamlashadi. Yevropa ham. Chunki virusni yengish barcha davlatlarga birdek foydali”, – Nurbek Alimov, bloger.

“AQSh havo yo‘llari kabi biznes sanoatni virus muammosi ta’siridan qo‘llab-quvvatlaydi. Biz har doimgidan ko‘ra kuchli bo‘lishimiz kerak”, – Donald Tramp, AQSh prezidenti.

“AQShda Covid–19 virusidan vafot etganlar soni 81 kishiga yetdi”, – The Spectator Index, fan, ta’lim, madaniyat va iqtisod borasida tahlillar markazi.

“Qozog‘iston hukumati koronavirus sabab mamlakatda favqulodda holat e’lon qilganiga qaramay supermarketlarda ‘vahima’ kuzatilmayapti”, – Joanna Lillis, jurnalist.

“Agar siz ayrim insofsiz tadbirkorlik subyektlari tomonidan narxlarning asossiz oshirilishiga guvoh bo‘lsangiz, Davlat soliq qo‘mitasining (71)244-98-98 ishonch telefoniga yoki qisqa 1189 raqamli Call-markazga murojaat qilishingiz mumkin”, – Nurbek Alimov, bloger.

Buyuk Britaniya bosh vaziri Boris Jonson:

“Qiyin damlarda Milliy sog‘liqni saqlash tizimida qattiq mehnat qilayotgan barcha xodimlarga mamlakatimiz vatandoshlari nomidan chuqur minnatdorchilik bildiraman”.

“Turkmaniston va Tojikiston Covid–19 ga qarshi eng yomon tayyorgarlik ko‘rgan davlatlardir. Bundan hayron qolmasa ham bo‘ladi. Ularning tayyorgarlik darajasi Afg‘onistondagi daraja bilan bir xil”, – Fran Olmos, Markaziy Osiyo bo‘yicha tadqiqotchi.

“Bugun Fransiya prezidenti Emmanuel Makron, Germaniya kansleri Angela Merkel va Buyuk Britaniya bosh vaziri Boris Jonson bilan onlayn muloqot qildik”, – Rajab Toyyib Erdo‘g‘on, Turkiya prezidenti.

“22 labaratoriya olimlari koronavirusdagi oqsillarni tahlil qilishda va virusga qarshi yordam beradigan 50 ta dorini ro‘yxatini tuzdi”, – NYT Science nashri.

Jahongir Ergashev tayyorladi.