Rossiya prezidenti Vladimir Putinning Federal kengashga yo‘llaydigan murojaati joriy yilda Moskvaning eng yirik mediafasadlarida namoyish etiladi, deb xabar berdi “RBK”.
Foto: Reuters
Prezident nutqi “Kosmos” mehmonxonasi, Yangi Arbatdagi uylarning biri, Markaziy telegraf, Kitoblar uyi, “Oktabr” kinoteatri va “Yerevan-plaza” savdo markazining fasadlarida to‘g‘ridan to‘g‘ri translyatsiya qilinadi.
Prezident murojaatini targ‘ib qilish kampaniyasi Umumrossiya xalq fronti tomonidan tashkillashtirilgan. Umumrossiya xalq frontining ta’kidlashicha, Moskvada translyatsiya uchun pul to‘lanmagan — u ijtimoiy reklama sifatida hisobga olinadi.
Putinning Federal kengashga murojaati 15-yanvar kuni Moskva vaqti bilan soat 12:00 da boshlanadi.
