Rossiya prezidenti Vladimir Putinning AQShning sobiq prezidenti kichik Jorj Bush bilan “Sudarinya-barinya” qo‘shig‘iga raqsga tushgani aks etgan arxiv video Rossiya prezidenti matbuot xizmati tomonidan e’lon qilindi.
https://www.facebook.com/oldLentach/videos/461895247839740/?v=461895247839740
Ma’lum qilinishicha, mazkur video ikki davlat rahbarining 2008-yil apreldagi uchrashuvida suratga olingan. Bu AQSh prezidenti kichik Jorj Bushning Rossiyaga oxirgi tashrifi bo‘lgan. O‘sha yilning noyabrida Barak Obama AQShning 44-prezidenti etib saylangan.
Videoda Putin sahnada xorovod bilan, Bush esa pastda raqqosalardan biri bilan raqsga tushayotganini ko‘rish mumkin.
Ushbu rolik Putinning Rossiya prezidenti va bosh vazir lavozimlaridagi faoliyatining 20 yilligiga bag‘ishlangan loyiha doirasida e’lon qilindi.
Izoh (0)