Amsterdamdagi shou chog‘ida balandlikdan qulagan o‘zbekistonlik akrobat uchinchi operatsiyaga tayyorgarlik ko‘rmoqda (video)

Niderlandlar poytaxti Amsterdamdagi sirk shousi chog‘ida 10 metrli balandlikdan qulagan o‘zbekistonlik akrobatlar Kristina Vorobeva va Rustam Osmanov Amsterdam Medical Center tibbiyot markazida bo‘lib turibdi. Bu haqda O‘zbekistonning Benilyuks davlatlaridagi elchixonasi ma’lum qildi.

Kristina Vorobeva ikki operatsiyani boshdan kechirdi va hozirda uchinchi jarrohlik aralashuvi masalasi ko‘rib chiqilmoqda.

Uning turmush o‘rtog‘i Rustam Osmanov sog‘ligi holati barqaror bo‘lib turibdi.

Mavzuga Amsterdamdagi namoyishda 10 metr balandlikdan yiqilgan o‘zbekistonlik gimnastikachi o‘z ahvoli haqida ma’lumot berdi

Avvalroq Madaniyat vazirligi esa Amsterdamda yiqilgan o‘zbekistonlik akrobatlarning ahvoli og‘ir emasligini bildirgandi. O‘zbekiston TIV esa vaziyat Benilyuks davlatlaridagi elchixona nazoratiga olingani va zarur yordamni ko‘rsatish uchun konsullik bo‘limi xodimi Amsterdam shahriga jo‘nab ketganini ma’lum qilgan.

Eslatib o‘tamiz, baxtsiz hodisa 3-yanvar kuni Niderlandiya poytaxtidagi “Karre Amsterdam” teatrida tashkil etilgan tomosha vaqtida yuz bergan. Rustem Osmanov Kristina Vorobyovani bir qo‘li bilan ushlab, ikkinchisini bo‘shashtirganda ular birgalikda 10 metr balandlikdan yiqilgan.