Buxoro viloyatida mehmonxonalar yuklamasi 96,6 foizni tashkil qilgan. Bu haqda Turizmni rivojlantirish davlat qo‘mitasi axborot xizmati xabar berdi.
Bu o‘rtacha olingan ko‘rsatkichlar, festival, turli xorijiy davlatlar rahbarlarining tashrifi hamda turistlar oqimining yuqori cho‘qqiga chiqish vaqtida ushbu raqamlar o‘zgargan. Turistlar oqimining oshib borishi, mehmonxonalarga bo‘lgan talabning ham ortishiga olib keladi.
Hududlar kesimida joylashuv vositalarining yuklanish darajasi quyidagicha:
- Qoraqalpog‘iston Respublikasi – 62,6 foiz,
- Andijon viloyati – 65,0 foiz,
- Buxoro viloyati – 96,6 foiz,
- Jizzax viloyati – 52,5 foiz,
- Qashqadaryo viloyati – 61,0 foiz,
- Navoiy viloyati – 74,3 foiz,
- Namangan viloyati – 40,6 foiz,
- Samarqand viloyati – 82,3 foiz,
- Sirdaryo viloyati – 64,4 foiz,
- Surxondaryo viloyati – 68,8 foiz,
- Toshkent viloyati – 76,1 foiz,
- Farg‘ona viloyati – 42,7 foiz,
- Xorazm viloyati – 81,5 foiz,
- Toshkent shahri – 85,7 foiz.
Davlat mehmonxonalar qurilishiga sarflanadigan harajatlarning ma’lum qismi qoplanishini va’da qilgan. 2019-yil dekabrida Samarqandda Grand Hotel Sogdiana’ni qurgan tadbirkor 4 milliard so‘m miqdorida pul uchun sertifikatga ega bo‘lgandi.
2022-yil 1-yanvariga qadar nomerlari soni 50 tadan kam bo‘lmagan uch yulduzli yoki 100 tadan kam bo‘lmagan to‘rt yulduzli kategoriyaga mansub mehmonxonalarni foydalanishga topshirgan tadbirkorlar davlat tomonidan ajratiladigan mablag‘larga ega bo‘ladi.
Uch yulduzli mehmonxonalar qurib foydalanishga topshirgan radbirkorga har bir nomer uchun 40 million so‘m, to‘rt yulduzli mehmonxonaning har bir nomeri uchun 65 million so‘m miqdorida pullar ajratiladi.
Avval “Taraqqiyot strategiyasi markazi”da Turizmni rivojlantirish davlat qo‘mitasi tomonidan o‘tkazilgan brifingda O‘zbekistonga 2019-yilda 6 748 500 nafar sayyoh tashrif buyurgan bo‘lib, ushbu ko‘rsatkich 2018-yilda 5 346 200 nafarni tashkil qilgani va eng ko‘p turistlar MDH mamlakatlari — Qozog‘iston, Tojikiston, Qirg‘iziston, Turkmaniston, Rossiya, shuningdek, Turkiya, Afg‘oniston, Xitoy, Janubiy Koreya, Hindiston kabi davlatlardan kelgani ma’lum qilingandi.
Izoh (0)