Bugun,

  • USD 11095.31
  • RUB 173.84
  • EUR 10772.44

Angliya Premyer Ligasi 22-turi doirasida London derbisi bo‘lib o‘tadi. Unda mezbon “Kristal Pelas” “Arsenal”ni qabul qiladi.

Foto: Yahoo Sports

Foto: Yahoo Sports

Tarkiblarga nazar sola turib, Mikel Arteta tanlagan futbolchilar e’tiborimni tortdi. Aniqrog‘i ispaniyalik mutaxassis tanlagan tarkib kaminaga yoqdi. Arteta turli eksperimentlar qilishdan ham yoshlarga ishonishdan ham qochayotgani yo‘q. Biroq menga ma’qul kelgan o‘rinlardan biri va asosiysi Emeri davrida ishonch bildirilmagan Mesut O‘zil hamda Nikolya Pepega katta imkoniyat taqdim etmoqda. O‘z navbatida O‘zil va Pepe o‘ziga bildirilgan ishonchni oqlashni boshladi. Shuningdek, ishonchdan chiqqan Granit Jaka yana safga qaytarildi. Avvalroq sardorlik bog‘ichi ham unga qaytarilishi haqida xabarlar paydo bo‘lgandi. Ushbu futbolchilarning bir vaqtda maydonda bo‘lishi bir tarafdan “Arsenal” o‘yinida rang-baranglikni ta’minlashi mumkin. Har holda “Chelsi”ga qarshi bahsning birinchi bo‘limi, “Manchester Yunayted”ga qarshi butun o‘yin shuni ko‘rsatdi.

“Arsenal”da har doim yaxshi futbolchilar bo‘lgan. Biroq Anri, Van Persi kabi futbolchilardan so‘ng top-darajadagilari deyarli kelgani yo‘q. To‘g‘ri, O‘zil top futbolchi edi. Faqat “Real”da va Londonga kelgan ilk mavsumida. Shundan so‘ng uning o‘yinida pasayish kuzatilgani rost. So‘nggi yillarda esa top maqomiga “Arsenal”dan faqatigan Pyer-Emerik Obameyang loyiq ko‘rinmoqda. Va u bunga mos o‘yin ko‘rsatmoqda. Har holda gabonlik “Barsa” yoki “Real”ga o‘tgan taqdirda ham o‘ynab keta olishiga ishonch bilan qarasa bo‘ladi.Mavsuming qolgan qismi Arteta uchun imkoniyatlar davri bo‘ladi. “Arsenal”dan bu mavsum muxlislar na sovrin va na chiroyli o‘yin kutadi. Avvalosi, “to‘pchilar” o‘z o‘yin uslubini topib olsa bo‘lgani. Mavsum yakunida esa Mikel tarkib borasida katta o‘zgarishlar qilishiga ishonchim komil. Axir “Siti”dek klubdan “Arsenal”ga o‘tayotganda London klubi rahbariyatiga o‘z shartlarini qo‘yib shartnoma imzolagani aniq, nazarimizda.

Hozir esa London derbisini tomosha qilishga taklif qilamiz.

APL22-tur bahsi11-yanvar, shanba

“Kristal Pelas” — “Arsenal” 17:30

“Kristal Pelas” – Guaita, Keyxill, Kelli, Tomkins, Ridevald, Makkarti, Mayer, Kuyate, Makartur, Zaa, Ayyu.

“Arsenal” – Leno, David Luiz, Kolashinats, Papastatopulos, Meytlend-Naylz, Torreyra, Jaka, O‘zil, Pepe, Lyakazett, Obameyang.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!

Izoh
Asosiy yangiliklar
Mahalliy
Toshkent viloyatida 2023-yilda 9 ming gektar maydon qisqartirilib, 25 sotixdan aholiga beriladi
Mahalliy
Toshkent viloyatida kelin qaynonasiga 20 marta pichoq urdi (video)
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi