Bugun,

  • USD 11095.31
  • RUB 173.84
  • EUR 10772.44

2019-yilning 23-dekabr kuni 44-“Aviasozlar—Gulobod” yo‘nalishida qatnovchi “MAN” rusumli avtobusda 2 ta ot olib ketilayotgani tasvirlangan video ijtimoiy tarmoqlarda tarqadi va muhokamalarga sabab bo‘ldi.

Foto: Ijtimoiy tarmoqlar

Foto: Ijtimoiy tarmoqlar

Vazirlar Mahkamasining 2003-yil 4-noyabrdagi tasdiqlangan “Avtomobil transportida yo‘lovchilar va bagajni tashish qoidalari”da avtobusda tumshuqbog‘siz itlar va boshqa hayvonlarni olib yurish taqiqlanishi belgilangan.

“Toshshahartransxizmat”ning ma’lum qilishicha, tartib-qoidani bilgani holda haydovchi B.T. hamda chiptachi T.I. yo‘lovchilar xavfsizligi hamda transport vositasiga texnik shikast yetkazishi mumkinligini o‘ylamay, avtobus saloniga otlarning olib kirilishiga ruxsat bergan.

Qayd etilishicha, holat “Toshshahartransxizmat” va avtobus saroyi jamoalari o‘rtasida muhokama qilindi. O‘z vazifasiga mas’uliyatsizlik bilan qaragani uchun chiptachi T.I. bilan tuzilgan mehnat shartnomasi bekor qilindi. Haydovchi B.T.ga nisbatan hayfsan e’lon qilindi.

“Avtobuslarni texnik jihatdan asrab-avaylashga jamiyat hamda avtosaroylar mutasaddilari bilan birga haydovchilar ham birdek mas’uldirlar. Buning uchun esa ulardan yo‘lovchi tashish qoidalariga amal qilgan holda faoliyat yuritishlari talab etiladi”, — deyiladi xabarda.

Shuningdek, fuqarolardan jamoat transportlarida yuqoridagi kabi yoki belgilangan qonun-qoidalarga zid holatlarga duch kelganda “Toshshahartransxizmat“ning 1062-sonli ishonch telefoniga xabar berish so‘ralgan.

Izoh
Asosiy yangiliklar
Mahalliy
“Hududgazta’minot” aholini gazdan oqilona foydalanishga chaqirdi
Mahalliy
“Kimdir javob berishi, kimdir qusishi kerak” — faollar gaz va elektr muammosi sababchilariga jazo so‘ramoqda
Mahalliy
Toshkent viloyatida er-xotin va ularning uch oylik chaqalog‘i is gazidan vafot etdi