Rasmiy tashrif bilan Nagoya shahrida bo‘lib turgan Shavkat Mirziyoyev ushbu shahar meri Takasi Kavamura bilan uchrashuv o‘tkazdi, deb xabar bermoqda Prezident matbuot xizmati.
Qayd etilishicha, uchrashuvda Nagoya meriyasi delegatsiyasining O‘zbekistonga tashrifi natijasida erishilgan kelishuvlarni amalga oshirish masalalari muhokama qilindi.
Toshkentda Nagoya yuqori texnologiyalar parkini tashkil etish, iqtisodiyot, sanoat, transport, ta’lim, turizm va boshqa ustuvor yo‘nalishlarda innovatsion loyihalarni amalga oshirish shular jumlasidan.
2020-yilga mo‘ljallangan qo‘shma tadbirlar “yo‘l xaritasi”ni ishlab chiqishga kelishib olindi.
Uchrashuv so‘ngida Toshkent hokimligi va Nagoya meriyasi o‘rtasida Sheriklik to‘g‘risida bitim imzolandi.
Izoh (0)