Futbol bo‘yicha Angliya Premyer ligasining 11-turi doirasida 2-noyabr, shanba kuni navbatdagi 6 ta uchrashuv nihoyasiga yetdi.
Unai Emeri qo‘l ostidagi Londonning “Arsenal” klubi “Emireyts”da “Vulverhempton”ni qabul qildi.
O‘yinning 21-daqiqasida “to‘pchilar” hujumchisi Pyer-Emerik Obameyang Aleksandr Lyakazettning uzatgan to‘pini raqib darvozasiga joylab qo‘ygan bo‘lsa, 76-daqiqaga kelib mehmon jamoa vakili Raul Ximenes hisobni tenglashtirdi (1:1).
Shu tariqa bahs 1:1 hisobida yakunlandi va tomonlar bir ochkodan bo‘lishib oldi.
Ma’lumot uchun, londonliklar 17 ochko to‘plagan holda musobaqa jadvalida 5-o‘rinda bormoqda. “Vulverhempton” esa 13 ochko bilan 11-o‘rinni band qilib turibdi.
Yurgen Klopp boshliq “Liverpul” esa mehmonda “Aston Villa” bilan bahsga kirishdi.
Bellashuvning 21-daqiqasida “Aston Villa” yarim himoyachisi Trezege hisobni ochgan bo‘lsa, 87-daqiqaga kelib “qizillar” himoyachisi Endryu Robertson hisobni tenglashtirdi (1:1). Oradan 3 daqiqa o‘tib esa “Liverpul” hujumchisi Sadio Mane o‘yinga yakuniy nuqtani qo‘ydi va jamoasiga navbatdagi 3 ochkoni taqdim etdi.
Ushbu g‘alabadan so‘ng musobaqa jadvalida peshqadamlik qilayotgan “Liverpul” ochkolari sonini 31 taga yetkazib oldi. “Aston Villa” esa 11 ochko yig‘ib 16-o‘rinni band qilib turibdi.
Shu kuni Xosep Gvardiola boshchiligidagi “Manchester Siti” esa “Uotford”ga qarshi maydonga tushdi.
To‘qnashuv davomida mehmon jamoa yarim himoyachisi Jeyms Uord-Prouz (13) tomonidan kiritilgan golga “mankunianlar” Serxio Aguero (70) hamda Kayl Uoker (86)ning gollari bilan javob qaytardi.
Natijada “shaharliklar” qiyin kechgan bahsda “Sauthempton”dan 2:1 hisobida ustun keldi va muhim 3 ochkoga ega bo‘ldi.
Ta’kidlash joiz, “Siti” 25 ochko jamg‘arib, musobaqa jadvalida 2-o‘rinni egallab turibdi. “Sauthempton” esa 8 ocho bilan 18-o‘rinda bormoqda.
APL
11-tur bahslari
2-noyabr, shanba
“Arsenal”—“Vulverhempton” 1:1
Gollar: 1:0 — 21 Obameyang, 1:1 — 76 Ximenes“Aston Villa”—“Liverpul” 1:2
Gollar: 1:0 — 21 Trezege, 1:1 — 87 Robertson, 1:2 — 90 Mane“Brayton”—“Norvich” 2:0
Gollar: 1:0 — 68 Trossard, 2:0 — 84 Daffi“Manchester Siti”—“Sauthempton” 2:1
Gollar: 0:1 — 13 Uord-Prouz, 1:1 — 70 Aguero, 2:1 — 86 Uoker“Sheffild Yunayted”—“Byornli” 3:0
Gollar: 1:0 — 17 Landstrem, 2:0 — 43 Landstrem, 3:0 — 44 Flek“Vest Hem”—“Nyukasl” 2:3
Gollar: 0:1 — 16 Klark, 0:2 — 22 Fernandes, 0:3 — 51 Shelvi, 1:3 — 73 Balbuena, 2:3 — 90 SnodgrassYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)