Футбол бўйича Англия Премьер лигасининг 11-тури доирасида 2 ноябрь, шанба куни навбатдаги 6 та учрашув ниҳоясига етди.
Унаи Эмери қўл остидаги Лондоннинг «Арсенал» клуби «Эмирейтс»да «Вулверҳэмптон»ни қабул қилди.
Ўйиннинг 21-дақиқасида «тўпчилар» ҳужумчиси Пьер-Эмерик Обамеянг Александр Ляказеттнинг узатган тўпини рақиб дарвозасига жойлаб қўйган бўлса, 76-дақиқага келиб меҳмон жамоа вакили Рауль Хименес ҳисобни тенглаштирди (1:1).
Шу тариқа баҳс 1:1 ҳисобида якунланди ва томонлар бир очкодан бўлишиб олди.
Маълумот учун, лондонликлар 17 очко тўплаган ҳолда мусобақа жадвалида 5-ўринда бормоқда. «Вулверҳэмптон» эса 13 очко билан 11-ўринни банд қилиб турибди.
Юрген Клопп бошлиқ «Ливерпуль» эса меҳмонда «Астон Вилла» билан баҳсга киришди.
Беллашувнинг 21-дақиқасида «Астон Вилла» ярим ҳимоячиси Трезеге ҳисобни очган бўлса, 87-дақиқага келиб «қизиллар» ҳимоячиси Эндрю Робертсон ҳисобни тенглаштирди (1:1). Орадан 3 дақиқа ўтиб эса «Ливерпуль» ҳужумчиси Садио Мане ўйинга якуний нуқтани қўйди ва жамоасига навбатдаги 3 очкони тақдим этди.
Ушбу ғалабадан сўнг мусобақа жадвалида пешқадамлик қилаётган «Ливерпуль» очколари сонини 31 тага етказиб олди. «Астон Вилла» эса 11 очко йиғиб 16-ўринни банд қилиб турибди.
Шу куни Хосеп Гвардиола бошчилигидаги «Манчестер Сити» эса «Уотфорд»га қарши майдонга тушди.
Тўқнашув давомида меҳмон жамоа ярим ҳимоячиси Жеймс Уорд-Проуз (13) томонидан киритилган голга «манкунианлар» Серхио Агуэро (70) ҳамда Кайл Уокер (86)нинг голлари билан жавоб қайтарди.
Натижада «шаҳарликлар» қийин кечган баҳсда «Саутҳэмптон»дан 2:1 ҳисобида устун келди ва муҳим 3 очкога эга бўлди.
Таъкидлаш жоиз, «Сити» 25 очко жамғариб, мусобақа жадвалида 2-ўринни эгаллаб турибди. «Саутҳэмптон» эса 8 очо билан 18-ўринда бормоқда.
АПЛ
11-тур баҳслари
2 ноябрь, шанба
«Арсенал»—«Вулверҳэмптон» 1:1
Голлар: 1:0 — 21 Обамеянг, 1:1 — 76 Хименес«Астон Вилла»—«Ливерпуль» 1:2
Голлар: 1:0 — 21 Трезеге, 1:1 — 87 Робертсон, 1:2 — 90 Мане«Брайтон»—«Норвич» 2:0
Голлар: 1:0 — 68 Троссард, 2:0 — 84 Даффи«Манчестер Сити»—«Саутҳэмптон» 2:1
Голлар: 0:1 — 13 Уорд-Проуз, 1:1 — 70 Агуэро, 2:1 — 86 Уокер«Шеффилд Юнайтед»—«Бёрнли» 3:0
Голлар: 1:0 — 17 Ландстрем, 2:0 — 43 Ландстрем, 3:0 — 44 Флек«Вест Ҳэм»—«Ньюкасл» 2:3
Голлар: 0:1 — 16 Кларк, 0:2 — 22 Фернандес, 0:3 — 51 Шелви, 1:3 — 73 Бальбуэна, 2:3 — 90 СнодграссЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)