Ishdan olingan Qashqadaryo viloyat hokimi Zafar Ro‘ziyev yangi lavozimga tayinlandi

Zarbdor tumanida o‘tkazilgan navbatdagi sessiyada tuman hokimi etib Qashqadaryo viloyati hokimi bo‘lib ishlab kelgan Zafar Ro‘ziyev tayinlandi. Bu haqda Jizzax viloyati hokimiyati matbuot xizmati xabar berdi.

Ma’lum qilinishicha, Zarbdor tumani hokimi Oybek Ashurmatov Jizzax viloyati hokimining qishloq va suv xo‘jaligi masalalari bo‘yicha o‘rinbosari etib tayinlangan. Shuningdek, Jizzax viloyati hokimining yangi o‘rinbosari hamda ikki tumanga hokimlar tayinlandi.

Sharof Rashidov tumani hokimi Zoir Mirzayev Qashqadaryo viloyati hokimi vazifasini bajaruvchi etib tayinlangani munosabati bilan, Jizzax viloyati hokimining qishloq va suv xo‘jaligi masalalari bo‘yicha o‘rinbosari bo‘lib ishlab kelgan Mahmud Xolbutayev Sharof Rashidov tumani hokimi etib tanishtirildi.