Futbol bo‘yicha Yevro—2020 musobaqasi saralash bosqichi 7-turi doirasida 12-oktabr, shanba kuni guruhlarda bir nechta o‘yinlar yakunlandi.
“F” guruhidan o‘rin olgan bahsda Robert Moreno qo‘l ostiga o‘tgan Ispaniya terma jamoasi mehmonda Norvegiya termasiga qarshi maydonga tushdi.
Bellashuvning 47-daqiqasida ispaniyalik yarim himoyachi Saul Nyiges hisobni ochgan bo‘lsa, 90-daqiqaga kelib mezbon jamoa hujumchisi Joshua King Kepa Arrisabalaga qo‘riqlayotgan darvozaga penaltidan gol urib hisobni tenglashtirdi.
Shu tariqa bahs 1:1 hisobidagi durang bilan yakunlandi va tomonlar bir ochkodan bo‘lishib oldi.
Ma’lumot uchun, ispanlar 19 ochko jamg‘arib guruhda peshqadamlik qilmoqda. Norvegiya esa 10 ochko bilan 4-o‘rinda bormoqda.
“J” guruhida esa Roberto Manchini boshqaruvidagi Italiya terma jamoasi “Stadio Olimpiko”da Gretsiya termasini sinovdan o‘tkazdi.
Uchrashuv davomida Italiya termasi vakillari Jorjinyo (63, penalti) hamda Federiko Bernardeski (78) bittadan golga mualliflik qildi.
Natijada italiyaliklar o‘z uyida kechgan bahsda Gretsiya ustidan 2:0 hisobidagi ishonchli g‘alabani qo‘lga kiritdi.
Mazkur g‘alabadan so‘ng Italiya ochkolari sonini 21 taga yetkazib, 100 foizlik natija bilan birinchi o‘rinni egallab turibdi. 5-o‘rinda borayotgan Gretsiya hisobida esa 5 ochko mavjud.
Yevro—2020
Saralash bosqichi
7-tur bahslari
12-oktabr, shanba
“D” guruhi
Gruziya—Irlandiya 0:0
Daniya—Shveysariya 1:0
Gol: 1:0 — 84 Poulsen“F” guruhi
Farer orollari—Ruminiya 0:3
Gollar: 0:1 — 74 Pushkash, 0:2 — 83 Mitritse, 0:3 — 90 KesheryuMalta—Shvetsiya 0:4
Gollar: 0:1 — 11 Danielsson, 0:2 — 58, penalti Larsson, 0:3 — 66, avtogol Adjius, 0:4 — 71, penalti LarssonNorvegiya—Ispaniya 1:1
Gollar: 0:1 — 47 Saul, 1:1 — 90, penalti King“J” guruhi
Bosniya va Gersegovina—Finlyandiya 4:1
Gollar: 1:0 — 29 Xayrovich, 2:0 — 37, penalti Pyanich, 3:0 — 58 Pyanich, 4:0 — 73 Xojich, 4:1 — 79 PoxyanpaloItaliya—Gretsiya 2:0
Gollar: 1:0 — 63, penalti Jorjinyo, 2:0 — 78 BernardeskiLixtenshteyn—Armaniston 1:1
Gollar: 0:1 — 19 Barsegyan, 1:1 — 72 FrikYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)