Bugun,

  • USD 10940.05
  • RUB 182.26
  • EUR 11121.65

Shu yilning 9 oyi mobaynida jinoyat ishlari bo‘yicha sudlar tomonidan 26 859 nafar shaxsga nisbatan 20 627 ta ish ko‘rib chiqilgan, deb xabar beradi Oliy sud matbuot xizmati.

Ko‘rsatkichlar 2018-yilga nisbatan shaxslar bo‘yicha 27,2 foizga, ishlar bo‘yicha esa 28,2 foizga kamaygan. Jumladan, 576 nafar shaxs oqlangan va reabilitatsiya qilingan. Sudlangan shaxslar soni 20818 nafarni tashkil etib, shundan 5 300 nafar shaxsga ozodlikdan mahrum qilish va 14 482 nafariga boshqa turdagi jazolar tayinlanib, 1 036 shaxsga shartli hukm qilingan.

Ta’kidlanishicha, sudlanganlarning 18 429 nafari erkak, 2 389 nafari ayol, 8 036 nafari yoshlar (378 nafari voyaga yetmaganlar) va 674 nafari 60 yoshdan oshgan shaxslar.

“2306 nafar shaxs ozodlikdan mahrum etish bilan bog‘liq bo‘lmagan jazolar tayinlanishi munosabati bilan sud zalidan ozod qilingan, 19 667 nafari jazoni o‘tash muddatidan ilgari shartli ozod qilingan, 6 041 nafariga tayinlangan jazosi yengili bilan almashtirilgan va 5 116 nafar shaxsga nisbatan dastlabki tergov organlari tomonidan asossiz ravishda qo‘yilgan moddalar ayblovdan chiqarib tashlangan yoki qayta malakalangan”, — deyiladi xabarda.

Shuningdek, 202 nafar shaxsga Yoshlar ittifoqi, 175 nafar ayolga Xotin-qizlar qo‘mitasi va 1078 nafar shaxsga mahalla fuqarolar yig‘ini kafolat xati asosida ozodlikdan mahrum qilish bilan bog‘liq bo‘lmagan jazolar tayinlangan.

2018-yilning shu davriga nisbatan  ayrim jinoyat turlari uchun sudlanganlik ko‘rsatkichlari kamaygan. Bundan tashqari, hisobot davrida yarashuv institutining samarali qo‘llanilishi natijasida 4 613 nafar shaxs jinoiy javobgarlikdan ozod etilgan. Yetkazilgan 362,2 milliard so‘mdan ziyod moddiy zararning o‘rnini qoplagan 2 327 nafar shaxsga ozodlikdan mahrum qilish bilan bog‘liq bo‘lmagan jazo tayinlangan.

Qo‘shimcha qilinishicha, Oliy sud jinoyat ishlari bo‘yicha sudlov hay’ati tomonidan nazorat tartibida 1355 shaxsga nisbatan 1 094 ta ish ko‘rib chiqilgan, 812 shaxsga nisbatan quyi sudlar tomonidan chiqarilgan qarorlar bekor qilingan va 403 nafar shaxsga nisbatan chiqarilgan sud qarorlari o‘zgartirilgan.

Izoh
Asosiy yangiliklar
Dunyo
Turkiya lirasi yana rekord darajada tushib ketdi
Mahalliy
Buxoroda ayol yuk poyezdi ostida qoldi. U o‘z joniga qasd qilgan
Mahalliy
O‘zbekiston Xitoyga qovun qoqi va loviya eksport qiladi