Qirg‘iziston Jo‘qorg‘i Kengesi deputati Irina Karamushkina mamlakat sobiq prezidenti Almazbek Atambayevning qarorgohida asirlarni qo‘lga olishga aloqadorlikda gumon qilinmoqda, deb xabar beradi Sputnik.

Foto: Sputnik

Irina Karamushkina Qirg‘iziston Jinoyat kodeksining 244-moddasi (“Ommaviy tartibsizliklar tashkilotchisi”) bilan gumonlanayotgani haqida rasmiy ogohlantirish xatini olgan.

“Men xuddiki pul tarqatib xalqni xodimlarni kaltaklashga ataydan tayyorlagan va bunga buyruq bergan, shu orqali Jo‘qorg‘i Kengesdagi qasamimni buzgan ekanman… Mana sizlarga ajoyib hokimiyat!”, — deb yozadi deputat o‘zining Facebook’dagi sahifasiga.

Eslatib o‘tamiz, 7-avgust kuni Qo‘y-Tosh qishlog‘ida Qirg‘iziston milliy xavfsizlik davlat qo‘mitasi mamlakat sobiq prezidenti Almazbek Atambayevni qo‘lga olishga uringan, biroq hujum Atambayevning tarafdorlari tomonidan qaytarilgan edi.

8-avgust kuni huquq-tartibot idoralari qaytadan hujum uyushtirganidan so‘ng, siyosatchi taslim bo‘lgandi. Keyinroq esa Atambayevning tarafdorlarini quvib yuborish bo‘yicha ishlar boshlangan. So‘nggi ma’lumotlarga ko‘ra, ikki tomonning to‘qnashuvi oqibatida 139 kishi jarohat olgan, bir nafar maxsus xizmat xodimi halok bo‘lgan.