Fransiyaning g‘arbiy qismida joylashgan Dovil shahrida nasldor ingliz oti 1,6 million yevroga  sotildi, deb xabar bermoqda “Korrespondent.net”.

Foto: Facebook

Qayd etilishicha, 18 oylik to‘riq ot Dubaydagi Godolphin kompaniyasi tomonidan sotib olingan. Ot BAA bosh vaziri va Dubay amiri Muhammad ibn Rashid al-Maktumga tegishli bo‘lgan Dubaviy laqabli ayg‘ir ot naslidan hisoblanadi.

Bu ayg‘ir otning avlodlari birinchi marta auksionga qo‘yilishi emas. 2017-yilda Dubaviydan kelib chiqqan ot 1,55 million yevroga sotilgan edi.