9—11-avgust kunlari futbol bo‘yicha Fransiya chempionatining 1-tur bahslari bo‘lib o‘tdi.
9-avgust, juma kuni turning dastlabki o‘yinida “Lion” safarda “Monako”ga qarshi maydonga tushdi.
Bellashuv davomida mehmon jamoa vakillari Mussa Dembele (5), Memfis Depay (36) hamda Lyuka Tuzar (80) urgan gollar “Lion”ning “Monako” ustidan yirik hisobdagi g‘alabasini ta’minladi va jamoa 3 ochkoni qo‘lga kiritdi (3:0).
11-avgust, yakshanba kuni Parijning PSJ klubi “Park de Prens”da “Nim”ni sinovdan o‘tkazdi.
O‘yinning 24-daqiqasida Parij klubi hujumchisi Edinson Kavani penaltidan gol urib hisobni ochgan bo‘lsa, 56-daqiqaga kelib Kilian Mbappe hisobni 2:0 ko‘rinishiga olib keldi. 69-daqiqada esa argentinalik Anhel di Mariya ham o‘z nomiga bitta gol yozdirib qo‘ydi.
Shu tariqa PSJ o‘z maydonida “Nim” darvozasiga javobsiz 3 ta gol urib (3:0), mavsumni yirik hisobdagi g‘alaba bilan boshladi.
1-turdan so‘ng musobaqa jadvalidagi holat:
Liga 1
1-tur bahslari
9-avgust, juma
“Monako”—“Lion” 0:3
Gollar: 0:1 — 5 Dembele, 0:2 — 36 Depay, 0:3 — 80 Tuzar
10-avgust, shanba
“Marsel”—“Reyms” 0:2
Gollar: 0:1 — 58 Dia, 0:2 — 90 Xen Chjun Suk
“Nitssa”—“Amyen” 2:1
Gollar: 1:0 — 32 Erey, 1:1 — 81 Akolo, 2:1 — 90 Dante
“Anje”—“Bordo” 3:1
Gollar: 0:1 — 4 de Previl, 1:1 — 27 Ren-Adelaid, 2:1 — 33 Pereyra Laje, 3:1 — 45 Mangani
“Dijon”—“Sent-Etyenn” 1:2
Gollar: 0:1 — 5 Amuma, 0:2 — 11 Axolu, 1:2 — 34, penalti, Tavaresh
“Brest”—“Tuluza” 1:1
Gollar: 1:0 — 25 Otre, 1:1 — 89 Kuluris
“Monpelye”—“Renn” 0:1
Gol: 0:1 — 6 Morel
11-avgust, yakshanba
“Lill”—“Nant” 2:1
Gollar: 1:0 — 19 Osimxen, 1:1 — 51, avtogol, Chelik, 2:1 — 80 Osimxen
“Strasburg”—“Mets” 1:1
Gollar: 1:0 — 21 Tomasson, 1:1 — 47 Diallo
PSJ—“Nim” 3:0
Gollar: 1:0 — 24, penalti, Kavani, 2:0 — 56 Mbappe, 3:0 — 69 di Mariya
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)