“Santos” bosh murabbiyi Xorxe Sampaoli Braziliya chempionati doirasida “Avai”ga qarshi o‘yinda hakam tomonidan sariq kartochka bilan jazolandi (3:1).
Italiyalik taniqli jurnalist Janluki di Martsioning xabar berishicha, bu argentinalik mutaxassisning mazkur musobaqadagi 3-sariq kartochkasi bo‘ldi. Shu sababli yangi kiritilgan qoidaga ko‘ra, Sampaoli bitta uchrashuvga diskvalifikatsiya qilindi.
Bunga qadar murabbiylar qizil kartochkadan so‘ng diskvalifikatsiya qilinardi.
Ma’lumot uchun, Sampaoli 4-avgust kuni bo‘lib o‘tadigan “Goyyas” bilan bo‘lib o‘tadigan o‘yinni o‘tkazib yuboradi.
Qayd etish joiz, “Santos” 12 ta turdan so‘ng Brazileyrao musobaqa jadvalini boshqarib turibdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)