“Yuventus” hujumchisi Krishtianu Ronaldu Marbelya shahrida ikki vazn toifasida UFC sobiq chempioni Konor Makgregor uyi yonidan villa sotib olishni rejalashtirmoqda.
The Sun’ning xabar berishicha, dam olish uchun villa portugaliyalik futbolchiga 1,3 million funtga (taxminan 1,45 million yevro) tushmoqda.
Ta’kidlanishicha, villa Marbelyadagi “La Resina” golf klubi hududida joylashgan. O‘rtayer dengiziga qaragan uy gol maydonchasi yonida joylashgan va turli chiroqlar bilan bezatilgan uzun yo‘lak, xususiy sport zallari, kinoteatrlar va tabiat manzaralari tasvirlangan suzish havzasidan iborat.
Avvalroq sportchilar orasida Instagram sahifasidagi eng qimmat reklama posti bo‘yicha Ronaldu yetakchilik qilayotgani haqida xabar berilgandi. Uning Instagram sahifasiga bitta reklama posti joylashtirish 975 ming dollarni tashkil etadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)