Bugun,

  • USD 11095.31
  • RUB 173.84
  • EUR 10772.44

O‘zbekiston futbol assotsiatsiyasi prezidenti Abdusalom Azizov tashkilot rahbariyati, boshqarma hamda bo‘limlar rahbarlari ishtirokida o‘zbek futbolidagi mavjud muammolar hamda tashkilotning yaqin kelajakdagi rejalari yuzasidan yig‘ilish o‘tkazdi. Bu haqda tashkilotning rasmiy saytida xabar qilindi.

Foto: O‘FA

Foto: O‘FA

Ta’kidlanishicha, tashkilot rahbari tomonidan dastlab viloyat futbol assotsiatsiyalari tizimidagi muammolarni bartaraf etish choralari, assotsiatsiyalarni moddiy qo‘llab-quvatlash, kadrlar malakasini ko‘rib chiqish, mahalliy hokimiyatlar bilan birgalikda viloyatlarda futbolni rivojlantirish borasida ko‘rsatmalar berilgan.

Yangi prezident tomonidan terma jamoalarning ish rejalari bilan tanishish chog‘ida “Milliy” stadion maydoni hali talab darajasida emasligi va yil oxirigacha ushbu stadion chimini tartibga keltirish vazifasi qo‘yilgan. Unga qadar terma jamoalar boshqa stadionlarda ham uchrashuvlar o‘tkazishi ta’kidlangan.

Bir vaqtning o‘zida Davlat xavfsizlik xizmati raisi bo‘lgan Abdusalom Azizov kelishilgan o‘yinlar hamda totalizatorga qarshi kurashish borasida huquqni muhofaza qilish organlari bilan yaqindan hamkorlik qilgan holda, bu nopok yo‘l bilan o‘zbek futbolini orqaga tortayotganlar, muxlislarning qiziqishini so‘ndirayotganlar aniqlanishi va tegishli jazoga tortilishini qayd etgan.

Abdusalom Azizov bolalar futbolidagi ahvolni yaxshilash, ular uchun muntazam musobaqalar tashkil etish, o‘smir va yoshlarning professional futbolga o‘tish jarayonidagi muammolar, ularning professional futbolchi sifatida shakllanishi, milliy terma jamoaga munosib futbolchi bo‘lib yetishishida to‘siq bo‘layotgan kamchiliklarni bartaraf etish kerakligi aytib o‘tgan.

U, shuningdek, milliy chempionatdagi tartib-intizomni kuchaytirish zarurligini ham alohida ta’kidlagan:

Hozirda jamoalarda murabbiy va futbolchilar shartnomalari borasida noaniqliklar uchrab turishidan xabarim bor. Qisqa muddatli shartnomalar o‘rnini ikki tomonning majburiyatlari to‘liq aks etgan professional shartnomalar egallashi kerak. Shunda murabbiylar ham ma’lum muddat o‘z jamoasi bilan ishlab, uni kuchaytirish haqida o‘ylaydi. Futbolchilar ham bir yil o‘tar-o‘tmasdan o‘ziga boshqa klub qidirishga tushmaydi. Reglament, chempionat formati va jamoalar sonini har yili o‘zgartirishni to‘xtatamiz. Keyingi mavsumda ham jamoalar soni shunchaligicha qoladi va Superligaga chiqadigan jamoa sport prinsiplari asosda kurashib yo‘llanmaga ega chiqsin. Turli aralashuvlar orqali jamoalarni yuqori ligalarga olib chiqishga bo‘lgan urinishlarga yo‘l qo‘yilmaydi.

Abdusalom Azizov, O‘zbekiston futbol assotsiatsiyasi prezidenti

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!

Izoh
Asosiy yangiliklar
Dunyo
“Afg‘on xalqining sabri bilan o‘ynashmang” — “Tolibon” qo‘mondonlaridan biri Eronni bosib olish bilan tahdid qildi  
Dunyo
Xitoyda qayta avj olishi kutilayotgan kovid, 3-marta saylangan Erdo‘g‘on, bir oydan beri namoyish o‘tkazayotgan hind sportchilari — 29-may suratlari
Mahalliy
O‘zbekistonda dollar kursi oshdi