2019-yilning 20-iyul kuni tonggi soat 04:50 larda “Qamchiq” Maxsus qidiruv-qutqaruv boshqarmasining Tezkor navbatchi-dispetcherlik guruhiga A-373 “Toshkent—O‘sh” avtomobil yo‘lining 240,3-km.ida harakatlangan Damas rusumli yengil avtomobili boshqaruvni yo‘qotib, ushbu yo‘nalishda harakatlangan MAN rusumli yuk avtomobili ishtirokida yo‘l-transport hodisasi sodir bo‘lganligi to‘g‘risidagi ma’lumot kelib tushgan. Bu haqda Favqulodda vaziyatlar vazirligi xabar bermoqda.
Buning natijasida, Damas rusumli avtomashinadagi 5 nafar yo‘lovchilardan 4 nafari turli darajada tan jarohatlar olgan.
Mazkur murojaat yuzasidan boshqarma qutqaruvchilari voqea joyiga zudlik bilan yetib bordi. To‘qnashuv oqibatida avtomashina ichida siqilib qolgan yo‘lovchini qutqaruvchilar gidravlik asbob-anjomlar yordamida mashinadan chiqarib oldi. Shuningdek, barcha jabrlangan fuqarolarga birinchi tibbiy yordam ko‘rsatilgan.
Izoh (0)