“Barselona” sobiq darvozaboni Viktor Valdes klub akademiyasiga murabbiy bo‘ldi. Bu haqda “ko‘k-anorranglilar”ning rasmiy saytida xabar berildi.
Valdes kataloniyaliklar bilan 2020-yilgacha mo‘ljallangan shartnoma imzoladi. Tomonlar mazkur shartnomani yana bir yilga uzaytirishi mumkin.
Ma’lumot uchun, 37 yoshli mutaxassis o‘tgan mavsum “Moratalas” yoshlar jamoasini boshqargandi va klubni Madridning mintaqaviy ligasida chempionga aylantirgandi.
Valdes iyun oyida UEFA Pro kategoriyasidagi murabbiylik litsenziyasini qo‘lga kiritgandi. Bu unga yuqori divizion vakillarini boshqarish imkoniyatini yaratadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)