Ekopen romlariga 31-avgustga qadar buyurtma berib, siz sovg‘a sifatida xavfsizlik qulfi mavjud deraza tutqichiga ega bo‘lishingiz va farzandingizni bexosdan tushib ketishdan himoya qilishingiz mumkin.

Xorijiy ommaviy axborot vositalari derazadan tushib ketgan bolalar haqida muntazam ravishda xabarlar beradi. O‘zbekistonda bunday holatlar ro‘y  berishi mumkin emasdek, nazarimizda. Biroq 12-fevral kuni Toshkent shahrining Olmazor tumanida bir bola bexosdan derazadan tushib ketib, jiddiy jarohat oldi. Statistik ma’lumotlarga ko‘ra, bunday holatlardan so‘ng bolalarning 80% og‘ir jarohat oladi va tez yordam kelmasidan olamdan o‘tadi. Ammo bu ma’lumotni keltirishdan asosiy maqsad qo‘rqitish emas, balki ogohlantirishdir.

Ko‘pincha bolalarning derazadan tushib ketishiga kattalarning beparvoligi yagona sabab bo‘ladi. Axir, bola hali xavf-xatar nimaligini tushunmaydi. Deraza tokchasi yonida o‘ynash yoki derazaga qo‘ngan qush kutilmaganda fojiaga olib kelishi mumkinligi uning hayoliga ham kelmaydi.

10 yildan ziyod vaqt mobaynida O‘zbekiston bo‘ylab xonadon va uylarga qulaylik va iliqlik baxsh etib kelayotgan Ekopen kompaniyasi mutaxassislari romlar xavfsizligi haqida hamma ma’lumotlarga ega. Ular bolalarning xavfsizligini va ota-onalarning xotirjamligini ta’minlashga yordam beradigan bir necha maslahatlar bilan o‘rtoqlashdi.

Bola derazadan bexosdan tushib ketishining oldini olish yo‘llari:

Qarovsiz qoldirmang. Agar xona derazalari ochiq bo‘lsa, bolani doim nazoratda tuting. Bolalarni voyaga yetmaganlarga yoki keksalarga ishonib qoldirmagan ma’qul. Kattaroq farzandlaringiz planshetda o‘yinga chalg‘ib ketishi, bobo va buvilarning esa bolalarga qarashga kuchi yetmasligi mumkin.

Hasharotlarga qarshi to‘rlarga ishonmang. Hatto eng mustahkam to‘r ham go‘yoki xavfsizlikni ta’minlangandek tasavvur hosil qiladi, xolos. U bolaning vaznidan yirtilib ketmasa ham, kutilmaganda bog‘ichlaridan yechilib ketishi mumkin.

Darchalardan foydalaning. Ba’zan xonaning havosini o‘zgartirish uchun rom darchasini ochish yoki derazani burama-tushirma mexanizm bilan hiyol ochib qo‘yish kifoya. Gap yaqinlaringizning xavfsizligi to‘g‘risida ketayotganida tejamkorlik haqida o‘ylash noo‘rin, albatta. Bundan tashqari, ushbu qurilmalar hozir ancha ommalashib qolgan.

Ortiqcha mebelni olib tashlang. Deraza oldida stul yoki shunga o‘xshash osongina harakatlantirsa bo‘ladigan mebelni qoldirmang. Farzandingiz undan zinapoya sifatida foydalanib, derazaga chiqib olishi mumkin.

Xavfsizlik tutqichini o‘rnating. Agarda tutqichni burab derazani osongina ochish mumkin bo‘lsa, yopiq deraza topqir bolalar uchun to‘siq bo‘la olmaydi. Qulflanadigan maxsus tutqich bunga imkon bermaydi.

Ekopen romlaridagi xavfsizlik tutqichi qanday ishlaydi

Ekopen romlariga buyurtma berishda oddiy tutqich o‘rniga qulflanadigan maxsus tutqichni o‘rnatishingiz mumkin. Bunday derazani yopib, kalitni olib tashlab, maxsus tugmani bossangiz, tutqich qulflanadi. Derazani ochish uchun qulfni kalit bilan burash kerak.

Bola qancha harakat qilmasin, kattalarsiz derazani ocha olmaydi.

Demak, ota-onalar ham deraza ochiqmi-yo‘qmi deb xavotirlanmaydi. Eng muhimi, barcha derazalarni bir vaqtning o‘zida yopib qo‘yish kerak emasligini yodda tuting. Xonani shamollatib turish uchun deraza darchalarini ochiq qoldirish kerak.

Ekopen’dan sovg‘a sifatida bolalar xavfsizligi to‘plami

Ekopen’ning yangi aksiyasiga ko‘ra, 2019-yil 31-avgustgacha maxsus bolalar xavfsizligi tutqichini bepul olishingiz mumkin. Buning uchun aksiyada Ekopen romlarini maydoni 5 kvadrat metr va undan ortiq bo‘lgan miqdorda buyurtma qilishingiz kerak. Har 5 kvadrat metr (o‘rtacha – 2 ta rom) uchun xaridor sovg‘a sifatida bitta bolalar xavfsizligi to‘plamiga ega bo‘ladi.

Aksiyada ishtirok etish uchun saytda yoki @ekopenuzbot Telegram-botida ko‘rsatilgan Ekopen rom tizimlarini ishlab chiqarish bo‘yicha har qanday hamkorga murojaat qilishingiz mumkin.

Telefonlar: (+998) 78-120-12-00, (+998) 93-381-11-81

Sayt: ekopen.uz

Facebook: fb.com/ekopen.uz

Instagram: @ekopen.uzbekistan

Telegram: t.me/ekopen

Reklama huquqi asosida.