28-iyun, juma kuni futbol bo‘yicha O‘zbekiston Superligasining 13-turida Vadim Abramov qo‘l ostidagi Toshkentning “Bunyodkor” klubi Samarqandning “Dinamo” jamoasi maydoniga safar qildi.
Uchrashuvning 29-daqiqasida “qaldirg‘ochlar” hujumchisi Mirjahon Mirahmadov hisobni ochgan bo‘lsa, 64-daqiqaga kelib mezbon jamoa vakili Sanjar Baratov hisobni tenglashtirdi (1:1). 87-daqiqada esa “Dinamo” darvozasi tomon penalti belgilandi. Undan yarim himoyachi Xurshid G‘iyosov unumli foydalanib, jamoasini hisobda oldinga olib chiqdi (2:1).
Shu tariqa “Bunyodkor” 13-turda “Dinamo”ni kichik hisobda taslim qilib, muhim 3 ochkoga ega bo‘ldi.
Mazkur g‘alabadan so‘ng toshkentliklar ochkolari sonini 21 taga yetkazib oldi va musobaqa jadvalida 3-o‘ringa ko‘tarildi. “Dinamo” hisobida esa 18 ochko mavjud va jamoa 7-o‘rinni egallab turibdi.
Superliga
13-tur bahslari
28-iyun, juma
“Dinamo”—“Bunyodkor” 1:2
Gollar: 0:1 — 29 Mirjahon Mirahmadov, 1:1 — 64 Sanjar Baratov, 1:2 — 87, penalti, Xurshid G‘iyosov“Dinamo”: Botirali Ergashev, Mirkomil Loqayev, Hakimxon A’lamxonov, Jasur Azimov, Qadamboy Nurmatov (Nizomjon Norov, 84), Sardor Eminov, Jasur O‘rinov, Ixtiyor Toshpo‘latov, Obidjon Hakimov (Sanjar Baratov, 55), Shohrux Abdurahmonov
“Bunyodkor”: Murodjon Zuhurov, Anvar G‘ofurov, Dilshod Ahmadaliyev, Jasur Jaloliddinov (Bobur Farhodov, 65), Xurshid G‘iyosov, Javohir Qahramonov, Lutfulla To‘rayev, Mirjahon Mirahmadov (Sanjar Rixsiboyev, 56), Sanjar Qodirqulov, Abdulla Abdullayev, Suhrob Izzatov (Vladislav Nuriyev, 87)
Ogohlantirishlar: Hakimjon A’lamxonov (9), Suhrob Izzatov (37), Anvar G‘ofurov (89), Bobur Farhodov (90+2)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)