Rossiyaning Eksmo nashriyoti o‘zbekistonlik yozuvchi Oraz Abdurazakov tomonidan yozilgan Aleksandr Dyumaning afsonaviy “Mushketyorlar” sagasining davomini chop etdi. Bu haqda “Daryo”ga Eksmo nashriyoti xabar berdi.
Xabarda aytilishicha, “D’Artanyan qilichi yoki Bir yil o‘tgach” deb nomlangan ushbu tarixiy roman Fransiyaning arxivlari va muzeylarining tarixiy xronologiyasiga asoslangan bo‘lib, so‘nggi trilogiyaning mualliflik talqinidir.
“Men Parijda, Londonda so‘ngra Bryusselda kitobni tahrir qildim va faqatgina matnning haqiqiyligiga emas, balki romanning sahnasiga ham ta’sir qildi. Yaxshiyamki, men Versal va Luvrning hujjatlari bilan shaxsan tanishib chiqish imkoniga ega bo‘ldim, muzey murabbiylari bilan suhbatlashdim va Burbon sulolasining taqdiri sodir bo‘lgan joylarni o‘z ko‘zim bilan ko‘rdim”, — deydi Oraz Abdurazakov.
Qayd etilishicha, yaqinda kitob “Chitay-gorod” tarmog‘ining kitob do‘konlarida sotuvga chiqadi. “D’Artanyan qilichi yoki Bir yil o‘tgach” kitobi cheklangan nashrda O‘zbekistondagi asosiy kitob do‘konlarida taqdim etiladi.
Ma’lumot ucun, Eksmo nashriyoti Rossiyaning 1-o‘rinli universal nashriyoti bo‘lib, Yevropadagi kitob bozorida yetakchilardan biridir. Har yili nashriyot 80 millionga yaqin kitob nashr etadi. Mualliflik portfelida 8 000 nom mavjud.
Izoh (0)