BMT ma’lumotiga ko‘ra, bugungi kunda dunyoda deyarli 60 million nafar bolalar maktabga bormaydi. TravelAsk’ning yozishicha, bunday achinarli ko‘rsatkichning asosiy sabablaridan biri kambag‘allikdir. Dunyodagi aksariyat bolalar maktabga borish o‘rniga ishlashga, suv keltirishga yoki oilada o‘zidan kichik uka-singillariga qarashi kerak.

Foto: TravelAsk

Yaqinda internet tarmog‘ida kambodjalik o‘qituvchi joylagan maktab sumkasi surati tarqaldi. Uni o‘quvchilaridan birining otasi yasagan bo‘lib, haqiqiy sumka sotib olishga qurbi yetmagan. Xabarda aytilishicha, dunyoning turli mamlakatlarida o‘z farzandlariga maktab qurollarini sotib olishga qurbi yetmaydigan minglab odamlar bor.

Foto: TravelAsk

Bunday ota-onalar farzandlarining ta’lim olishga intilishini qo‘llab-quvvatlash uchun qo‘ldan kelgan barcha ishni qiladi. Kambodjalik otaning harakati ham ta’sirli bo‘lganidan butun dunyoga mashhur bo‘ldi.

Foto: TravelAsk

Suratni joylagan o‘qituvchi OAVga bergan intervyuda ularda oddiy maktab sumkasi 7 dollar turishini, ota-onalar bunday “hashamat”ni olishga imkon qadar qodir bo‘lishga harakat qilishini aytgan. Lekin qanchalik hayron qolarli ko‘rinmasin, maktab sumkasi yasab bergan otaning uni sotib olish uchun buncha puli bo‘lmagan. Lekin o‘g‘lining maktabga bormasligini ham xohlamagan. Shu sababli uni o‘zi yasab berishga qaror qilgan.