Futbol bo‘yicha Kopa Amerika—2019 musobaqasining 2-turida 21-iyun, juma kuni Reynaldo Rueda boshliq Chili terma jamoasi Ekvador termasi bilan bellashdi.
Bellashuvning 8-daqiqasidayoq chililik yarim himoyachi Xose Fuensalida hisobni ochgan bo‘lsa, 26-daqiqaga kelib Ekvador termasi hujumchisi Enner Valensiya penaltidan unumli foydalanib, hisobni tenglashtirdi (1:1). 51-daqiqada esa Aleksis Sanches ham bitta gol muallifiga aylandi (2:1).
Qayd etish joiz, o‘yinning 89-daqiqasida Ekvador himoyachisi Gabriel Achilyer hakam tomonidan qizil kartochka bilan jazolandi va maydondan chetlatildi.
Shu tariqa Chili guruh bosqichining 2-turida Ekvadorni kichik hisobda mag‘lub etib, muhim 3 ochkoga ega bo‘ldi.
Ushbu g‘alabadan so‘ng Chili terma jamoasi musobaqaning “C” guruhida 6 ochko to‘plagan holda birinchi o‘ringa ko‘tarilib oldi. Ekvador termasi esa 2 tur natijasiga ko‘ra birorta ham ochko yig‘a olmadi va jamoa so‘nggi pog‘onani egallab turibdi.
Kopa Amerika—2019
2-tur bahsi
21-iyun, juma
“C” guruhi
Ekvador—Chili 1:2
Gollar: 0:1 — 8 Fuensalida, 1:1 — 26, penalti, Valensiya, 1:2 — 51 SanchesEkvador: Dominges, Velasko, Achilyer, Arboleda, Ramires, Grueso, Mena (Presiado, 82), Orexuela, Mendes (Valensiya, 60), Ibarra (Garses, 69), Valensiya
Chili: Aryas, Isla, Medel, Maripan, Bosejur, Arangis, Pulgar, Vidal (Hara, 90), Fuensalida (Dias, 70), Vargas (Ernandes, 86), Sanches
Ogohlantirishlar: Mendes (3), Mena (34), Aryas (44), Bosejur (52), Arboleda (78), Grueso (81), Isla (82), Vidal (86), Velasko (90)
Chetlatish: Achilyer (89)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)