Belgiyalik vinger Eden Azarni tanishtirish maqsadida tashkil etilgan taqdimot marosimiga qariyb 50 ming muxlis tashrif buyurdi. Bu haqda Marca xabar berdi.
Manbaga ko‘ra, “Qirollik klubi” tarixida faqatgina bir futbolchining tanishtirish marosimiga ko‘plab muxlislar tashrif buyurgandi. 2009-yil “Santyago Bernabeu”da bo‘lib o‘tgan Krishtianu Ronalduning taqdimotiga 80 mingdan ortiq muxlis kelgan.
Ma’lumot uchun, “qaymoqranglilar” Azarni 100 million yevro evaziga sotib oldi. Madrid klubi futbolchi bilan 2024-yilning yoziga qadar mo‘ljallangan shartnoma imzoladi.
Eslatib o‘tamiz, Ronaldu 2009-yildan 2018-yilgacha “Real” safida to‘p surdi. Portugaliyalik klub tarixidagi eng yaxshi to‘purar hisoblanadi. U madridliklar safida 438 ta o‘yinda 450 ta gol urishga muvaffaq bo‘lgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)