Ҳиндистон кинемотографияси йилдан йилга машҳур бўлиб бормоқда. Болливудда ҳар йили минглаб фильм ва сериаллар суратга олинади, муваффақият қозонганлари эса жаҳон эътиборига ҳавола этилади.
Ҳинд актёрлари ҳам ўз ҳамкасблари билан ҳам иқтидори, ҳам ташқи кўриниши билан беллашади.
Митхун Чакрабортининг даври ўтди, аммо унинг ўрнига бошқа ёш актёрлар келиб, минглаб қизлар эътиборига тушди.
Жон Абраҳам
Ҳақиқий ҳинд мачоси. 60 та фильмда суратга тушган. Улардан энг машҳурлари: «Дада», «Орзунинг қора кўриниши» ва «Байкерлар». Жон Ҳиндистонда жуда машҳур. У, шунингдек, фитнесс бўйича ўз блогига эга.
45 ёш. Уйланган.
Аржун Рампал
Энг машҳур ҳинд актёрларидан бири. Болливуднинг энг кассабоп фильмларида суратга тушган. «Сени кўряпман», «Ом Шанти Ом» ва «Сизни яхши кўраман, ойижон» фильмлари шулар жумласидан. Бир қанча мода агентликлари ва парфюмерия брендлари билан ҳамкорлик қилади. Маълумоти бўйича — иқтисодчи. Хайрия ишларида фаол қатнашади. 13 нафар етим болани ўз қарамоғига олган.
45 ёш. Модель Мехр Рампалга уйланган. 2 нафар қиз фарзанди бор.
Саиф Али Хон
Актёр ва продюсер Саиф Али Хон Ҳиндистондан ташқарида ҳам машҳур. Чет элда ҳам фильм суратга олади. Унинг энг машҳур фильмлари: «Тоабад биргамиз», «Salam Namaste» ва «Эртанги кун келадими?».
48 ёш. Ҳозирда иккинчи турмуши Карина Капур билан яшайди. Бир нафар фарзанди бор. Биринчи рафиқаси Амрита Сингхдан ҳам 2 нафар фарзанди бор.
Шаҳид Капур
Машҳур сулола вакили. 43 та фильмда суратга тушган. Ҳиндистон бўйлаб ўз фан-клубларига эга. Унинг иштирокидаги энг машҳур фильмлар: «Фасллар», «Рақсга туш» ва «Никоҳ».
37 ёш. Уйланган.
Имрон Хон
Испанларнинг Энрике Иглесиасига ҳиндча жавоб. Имрон Хон ўзига тўқ ҳинд оиласининг фарзанди. Буваси машҳур ҳинд режиссёри, амакиси эса афсонавий Амир Хон. Имрон АҚШда туғилган. 21 та фильмда суратга тушган.
35 ёш. Актриса Avantiка Маликка уйланган. Бир нафар фарзанди бор.
Ритик Рошан
Ҳиндистоннинг энг машҳур актёрларидан бири. Жангари фильмларда бош қаҳрамон ролини ижро этади. Соғлом турмуш тарзини тарғиб қилади. Бир қўлида 6 та бармоқ билан туғилган. 45 та фильмда суратга тушган.
44 ёш. Ажрашган. 2 нафар фарзанди бор.
Варун Дхаван
Ҳинд актёрларининг янги авлоди. Варун энг яхши ҳинд режиссёрларидан бири Дэвид Дхаваннинг ўғли. Унга «Севишганлар» ва «Йил талабаси» фильмларидаги роли шуҳрат келтирган.
31 ёш. Уйланмаган.
Харшвардхан Ране
Телевидениедаги иши сабаб экранларда кўрина бошлаган. Унга «Онт ичаман, севгилим» фильми машҳурлик олиб келган. 11 та фильмда суратга тушган.
34 ёш. Уйланмаган.
Абхишек Баччан
Бу актёрнинг бутун ҳаёти муваффақиятга тўла. Буюк ҳинд актёри Абитабх Баччаннинг оиласида туғилган. Швейцарияда молия соҳасида ўқиган. Ҳиндистоннинг энг гўзал актрисаси Айшвария Райга уйланган. 75 та фильмда суратга тушган. Энг машҳур фильмлари: «Ҳеч қачон алвидо деманг», «Соҳибжамол Лакнау» ва «Яқин дўстлар».
42 ёш. Уйланган. Бир нафар қиз фарзанди бор.Шоҳруххон
Шоҳрух Хон ёши ўтаётган бўлса ҳам буюклигини йўқотмаган. У Баччан ва Чакраборти ўйнаган ҳинд фильмлари ва ёш авлод ўртасидаги давр актёри ҳисобланади. Эътиқоди бўйича мусулмон. Ҳозирда фильмдан кўра кўпроқ телевидение билан машғул. Лекин у 131 та фильмда суратга тушган. Улардан энг машҳурлари: «Гоҳи шодлик, гоҳи ғам», «Вир ва Зара» ва «Ўғирланмаган келин».
53 ёш. Актриса Гаури Хонга уйланган. 3 нафар фарзанди бор.
Изоҳ (0)