12-may, yakshanba kuni futbol bo‘yicha Angliya Premyer ligasining so‘nggi 38-tur bahslari yakuniga yetdi.
Xosep Gvardiola boshqaruvidagi “Manchester Siti” klubi safarda “Brayton”ni sinovdan o‘tkazdi.
Uchrashuv davomida mehmonda jamoa hujumchisi Glenn Mayyer urgan golga “shaharliklar” jamoa a’zolari Serxio Aguero (28), Aymerik Lyaport (38), Riad Mahrez (64), Ilkay Gundo‘g‘on (72) kiritgan gollar bilan javob qaytardi.
Shu tariqa “mankunianlar” mehmonda kechgan bahsda yirik hisobda g‘alaba qozondi (4:1).
Natijada Pep Gvardiola shogirdlari 98 ochko to‘plab mavsumni 1-o‘rinda yakunlab, ketma-ket 2-marta (o‘z tarixida 4-marta) Angliya chempioniga aylandi.
Unai Emeri qo‘l ostidagi Londonning “Arsenal” jamoasi “Byornli” mehmoni bo‘ldi.
Bellashuvning 52 va 63-daqiqalarida “to‘pchilar” hujumchisi Pyer-Emerik Obameyang dublga erishgan bo‘lsa, 65-daqiqaga kelib maydon egalari a’zosi Eshli Barns hisobni qisqartirdi (2:1). 90-daqiqada esa londonliklar futbolchisi Edvard Nketiya jamoasining 3-goliga mualliflik qildi (3:1).
Shu tariqa “Arsenal” safarda “Byornli”ni 3:1 hisobida mag‘lubiyatga uchratdi.
Londonning boshqa bir klubi “Chelsi” esa Brendon Rojers boshliq “Lester”ga qarshi maydonga tushdi.
O‘yin davomida darvozalar daxlsizligi saqlanib qolindi va jamoalar bir ochkodan bo‘lishib oldi (0:0).
Kelasi mavsum Yevropa Chempionlar Ligasida ishtirok etishdan mosuvo bo‘lgan “Manchester Yunayted” o‘z maydonida “Kardiff Siti”ni qabul qildi.
To‘qnashuvning 23 (penalti) hamda 54-daqiqalarida mehmonlar yarim himoyachisi Nataniel Mendes-Laing dubl qayd etdi. Natijada “Yunayted” musobaqaning so‘nggi turida mag‘lub bo‘ldi (0:2).
37-turda turda “Bornmut”ga 0:1 hisobida yutqazib qo‘ygan Londonning “Tottenhem” klubi o‘z uyida “Everton” bilan o‘ynadi.
Uchrashuvning 3-daqiqasidayoq “shporlar” himoyachisi Erik Dayer hisobni ochgan bo‘lsa, 69-daqiqaga kelib “Everton” yarim himoyachisi Teo Uolkott Ugo Lyoris darvozasini ishg‘ol qildi (1:1). Oradan 3 daqiqa o‘tib hujumchi Jenk Tosun mehmonlarni hisobda oldinga olib chiqdi (2:1). 75-daqiqada esa londonliklar a’zosi Kristian Eriksen hisobni tenglashtirdi (2:2). Shu tariqa “Tottenhem” o‘z uyida “Everton” bilan durang o‘ynadi.
Yurgen Klopp boshliq “Liverpul” klubi “Enfild”da “Vulverhempton” bilan bahsga kirishdi.
Bellashuvning 17 va 81-daqiqalarida mersisaydliklar hujumchisi Sadio Mane dublga erishdi (2:0).
Shu tariqa “Liverpul” o‘z maydonida “bo‘rilar”ni 2:0 hisobida yutdi va 3 ochkoga ega bo‘ldi.
Ta’kidlash joiz, “qizillar” 97 ochko jamg‘arib, musobaqa jadvalida 2-o‘rinni egalladi.
38-turdan so‘ng musobaqa jadvalidagi holat:
APL
38-tur bahslari
12-may, yakshanba
“Brayton”—“Manchester Siti” 1:4
Gollar: 1:0 — 27 Marrey, 1:1 — 28 Aguero, 1:2 — 38 Lyaport, 1:3 — 64 Mahrez, 1:4 — 72 Gundo‘g‘on“Byornli”—“Arsenal” 1:3
Gollar: 0:1 — 52 Obameyang, 1:1 — 65 Barns, 1:2 — 63 Obameyang, 1:3 — 90 Nketiya“Kristal Pelas”—“Bornmut” 5:3
Gollar: 1:0 — Batshuayi, 2:0 — 32 Batshuayi, 3:0 — 37, avtogol, Simpson, 3:1 — 45 Lerma, 3:2 — 57 Ibe, 4:2 — 65 Anholt, 4:3 — 73 King, 5:3 — 80 Taunsend“Fulhem”—“Nyukasl” 0:4
Gollar: 0:1 — 10 Shelvi, 0:2 — 11 Peres, 0:3 — 62 Sher, 0:4 — 90 Rondon“Lester”—“Chelsi” 0:0
“Liverpul”—“Vulverhempton” 2:0
Gollar: 1:0 — 17 Mane, 2:0 — 81 Mane“Manchester Yunayted”—“Kardiff Siti” 0:2
Gollar: 0:1 — 23, penalti, Mendes-Laing, 0:2 — 54 Mendes-Laing“Sauthempton”—“Haddersfild” 1:1
Gollar: 1:0 — 41 Redmond, 1:1 — 55 Pritchard“Tottenhem”—“Everton” 2:2
Gollar: 1:0 — 3 Dayer, 1:1 — 69 Uolkott, 1:2 — 72 Tosun, 2:2 — 75 Eriksen“Uotford”—“Vest Hem” 1:4
Gollar: 0:1 — 15 Nobl, 0:2 — 39 Lansini, 1:2 — 46 Jerar, 1:3 — 72 Arnautovich, 1:4 — 79, penalti, NoblYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)