Telegram messenjerida ko‘plab yangi funksiyalar paydo bo‘ldi

Telegram messenjerida ko‘plab yangi funksiya va imkoniyatlar paydo bo‘ldi, deb xabar beradi Spot.

Xususan, ular orasiga “Arxivlashtirish” funksiyasi ham qo‘shilgan bo‘lib, uning yordamida faol va nofaol chatlarni, alohida shaxsiy xabarlarni arxivga joylashtirish mumkin.

Chap tarafdagi svayp chatni “Chatlar arxivi”ga jo‘natadi. Arxivdagi chatdan xabar kelsa, u papkadan umumiy dialoglar ro‘yxatiga qaytadi. Xabar kelmagan chatlar doimiy arxivda qoladi. Shuningdek, arxivning o‘zini ham yashirib qo‘yish imkoni bor.

Bundan tashqari 100 ta chatni yuqoriga “qistirib qo‘yish” mumkin. Qayta tiklangan chatni yana arxivlashtirib, o‘sha joyiga qaytarish ham mumkin bo‘ldi.

Ommaviy harakatlar

Endilikda birgina harakatni — “qistirib qo‘yish”, “jo‘natish”, “o‘chirib qo‘yish, “arxivlashtirish” yoki “o‘chirib tashlash” amallarni bir vaqtning o‘zida bir nechta chatlarda qo‘llash mumkin.

Android uchun yangi dizayn

Android’lar uchun Telegram messenjeri yangi belgidan tortib yangi menyugacha ega bo‘ldi. Telegram jamoasi endilikda chatlardagi xabarlarni tanlash nafaqat chiroyli, balki keng funksiyali bo‘lishiga e’tibor qaratgan.

Matnning ikki yoki uch qatorini alohida ajratib olish ham mumkin:

Shuningdek, yangi dizayn xabarlarni bir vaqtning o‘zida bir necha kishiga jo‘natish imkoniyati hamda emodzilar bilan boyitish funksiyasini qo‘shdi:

iOS qurilmalari uchun esa 4 xonali kod o‘rniga 6 xonali kodni o‘rnatish mumkin bo‘ldi:

Boshqa yangi imkoniyatlar

iOS’lar uchun yana bir yangi funksiya — yaqin orada foydalanilgan stikerlarni o‘chirib tashlash:

Yaxshilangan yozishmalar (kontaktni oldindan ko‘rish):

Shaxsiy guruh va kanallardagi aynan kerakli xabarga havola berish:

Dialogga kirmay turib, chatlar ro‘yxatida kim online ekanligini tezda ko‘rish: