O‘zbekistonda Qozog‘iston yili munosabati bilan yo‘l xaritasida belgilangan “O‘zbekiston va Qozog‘iston hunarmandlari o‘rtasida o‘zaro tajriba almashish”ni ta’minlash maqsadida UZBEKISTAN – Aspara Fashion Week xalqaro moda haftaligi bo‘lib o‘tmoqda. Bu haqda Xotin-qizlar qo‘mitasi xabar berdi.
Shu munosabat bilan joriy yilning 26—28-aprel kunlari Qozog‘istonning delegatsiyasi Toshkentga tashrif buyurgan.
Moda haftaligida jahonning yetakchi dizaynerlari va moda olamining taniqli vakillari, jahonga mashhur moda nashrlari, mahalliy va xorijiy ommaviy axborot vositalari hamda professional dizaynerlar va moda olamining mashhur vakillari ishtirok etadi. Shuningdek, tadbirda AQSh, Italiya, Fransiya, Buyuk Britaniya, Malayziya, Xitoy, Gruziya, Hindiston, MDH va boshqa xorijiy mamlakatlarning jahon moda sohasi mutaxassislari, xaridorlar, ijodkorlar tashrif buyuradi.
Moda haftaligi loyihasini O‘zbekistonda tashkil etishdan asosiy maqsad mamlakatlar o‘rtasida do‘stlikni mustahkamlash, mamlakatning boy madaniyatini namoyish etish, chet ellik mehmonlar va moda sohasi mutaxassislariga milliy liboslarning jozibasi, kiyinish madaniyatini dunyoga namoyish etish, o‘zbek xalqining boy merosiy san’atini va Osiyo identifikatsiyasini saqlab qolish hamda Markaziy Osiyo dizaynerlari o‘rtasida bilim va raqobatbardoshlikni kuchaytirish, dizaynerlar ijodini rag‘batlantirish, shuningdek, yosh dizaynerlarning Markaziy Osiyo mintaqasi va jahon podiumlar ishtirokiga keng yo‘l ochishdan iborat.Shu bilan birga, xalqaro moda haftaligini xorijiy sarmoyadorlar uchun jozibador qilish, milliy moda madaniyatining yangi qirralarini kashf etish, qolaversa, milliy matolarimizni dunyo miqyosida targ‘ib qilish, brend kiyim-kechaklar, sayyohlik va xizmat ko‘rsatish sohalarini jalb etishga qaratiladi.O‘zbekistonda o‘tkazilayotgan mazkur xalqaro moda haftaligi ilk marotaba dunyo haftaliklari dasturiga kirishga yo‘l ochadi.Aspara Fashion Week xalqaro loyihasining konsepsiyasi O‘zbekiston Xotin-qizlar qo‘mitasi – ayollarning bandligi masalalari, kichik va o‘rta biznes korxonalari o‘rtasida tadbirkorlikni rivojlantirish, xalqaro miqyosda xotin-qizlar faolligini oshirgan holda xalqaro moda maydonida integratsiyalashuvini ta’minlaydi.Tadbir doirasida jahon modasining eng yaxshi namunalari namoyish etilib, Markaziy Osiyoning iste’dodli dizaynerlari tomonidan yaratilgan san’at namunalari va sharqona uslubdagi original yechimlar keng ommaga taqdim etiladi.Moda haftaligi doirasida O‘zbekistonda biznes uchrashuvlar tashkil etish, madaniyat yo‘nalishida shartnomalar imzolash, tajriba almashish va ijodiy aloqalarni yo‘lga qo‘yish ko‘zda tutilgan.Eslatib o‘tamiz, 2018-yilning 8—12-oktyabr kunlari Taraz shahrida Aspara Fashion Week Taraz xalqaro moda haftaligining ikkinchi mavsumi bo‘lib o‘tgan. Unda dunyoning 18 ta mamlakatidan ishtirok etgan 29 nafar dizaynerlarning ijod namunalari namoyish etilgan. Shuningdek, mazkur tadbirga dunyoning 16 mamlakatidan moda olamining nufuzli mehmonlari tashrif buyurgan.
Izoh (0)