“Daryo” Twitter’da o‘tgan haftada mashhur shaxslar tomonidan post qilingan eng muhim tvitlar bilan o‘rtoqlashadi.

“Bugun — Yer kunida iqlim siyosati borasida parad va ish tashlashga chiqqan barcha dunyo yoshlariga minnatdorlik bildiraman. Biz nima qilishni bilamiz: 2030-yilga qadar atmosferaga chiqarilayotgan gazlarni 50 foizga qisqartirish. Biz buni hozirdan boshlashimiz kerak”, — Hillari Klinton, amerikalik senator.

Skrin: “Daryo”

“Biz savodsizlik, qashshoqlikka qarshi kurashda va tinchlikni o‘rnatishda kitobxonlikni yoyish uchun harakatlarimizni ikki karra ko’paytirishimiz lozim. Kitob kunida, kelinglar, barchamiz yozma nutq ta’siri doirasini kengaytirish va har bir shaxsga kitobga ega bo‘lishi uchun yordam beraylik”, — YuNESKO.

YuNESKO o‘zining Twitter’dagi sahifasida Malala Yusufzayning “Bizning kitoblarimiz va bizning qalamlarimiz eng kuchli qurol” shiorini keltiradi.

Skrin: “Daryo”

“Milan shahridagi devordagi surat. Eh odamlar…” — Matteo Salvini, Italiya ichki ishlar vaziri (devordagi yozuv: Salvini — fashist).

Skrin: “Daryo”

“Poroshenko besh yil mobaynida Rossiyaga qarshilik ko‘rsatdi, tashqi siyosatda sezilarli yutuqlarga erishdi, Ukrainaning G‘arbga integratsiyasida jiddiy odimladi, ammo iqtisod sohasida undan kutilganlarini oqlamadi, va siyosat borasida tajribasiz Vladimir Zelenskiyga katta farq bilan yutqazdi”, — Jayxun Ashurov, turk jurnalisti.

Skrin: “Daryo”

“Rossiya AQShdagi prezidentlik sayloviga aralashdi. Keyingi hujumlarning oldini olish uchun biz saylov tizimini mustahkamlashimiz zarur. Bu qonsiz urush bo‘ladi. Ammo biz tayyor emasmiz. Aslida tayyor bo‘lishimiz kerak”, — Kamala Harris, AQSh prezidentligiga nomzod.

Skrin: “Daryo”

“2019-yilning 1-sentabridan boshlab O‘zbekistonda ayollarning nikohga kirish yoshi 17 yoshdan 18 yoshga ko‘tarildi. Bu esa erkak va ayollarning nikohdan o‘tish yoshi teng bo‘ladi deganidir”, — Yonas Astrap, Xalqaro mehnat tashkilotining O‘zbekistondagi vakili.

Skrin: “Daryo”

“Ayni paytda Xitoy Yevropa Ittifoqi va AQShni birga olib hisoblagandagidan-da ko‘ra ko‘proq karbonad angidrid gazini atmosferaga chiqarmoqda va energiyaning 60 foizi ko‘mir hissasiga to‘g‘ri kelmoqda. Bu yerda, barcha muqaddas narsalar haqqi-hurmati, e’tirozga o‘rin bor”, — Boris Jonson, Buyuk Britaniya parlamenti a’zosi.

Skrin: “Daryo”

“Keliyen Konueyning (prezident maslahatchisi) turmush o‘rtog‘i  Jorj Konuey yozishicha, ‘Tramp — bu prezident lavozimidagi saraton shishidir. Kongress uni yo‘qotishi kerak’”, — Jim Roberts, Cheddar nashri muharriri.

Skrin: “Daryo”