Respublika Ma’naviyat va ma’rifat markazi rahbari Alisher Qodirov boshchiligidagi ma’naviyatchilar ikki mingdan ziyod turli nomdagi kitoblarni aholi va yoshlarga taqdim etdi, deb xabar berdi markaz matbuot xizmati.

Foto: Respublika Ma’naviyat va ma’rifat markazi matbuot xizmati

Shuningdek, tadbirlar doirasida markaz rahbari Alisher Qodirov Bo‘ka tumanida joylashgan 3 va 5-sonli umumta’lim maktablarida ta’lim olayotgan yoshlar bilan uchrashgan. Maktablar kutubxonasiga markaz tomonidan o‘quvchilar so‘ragan 100 dan ortiq badiiy adabiyotlar taqdim etilishi rejalashtirilgan.

Bundan tashqari, Bo‘kadagi qarovsiz holda bo‘lgan eski stadion o‘rniga tuman “Ma’naviyat va ma’rifat” ekoparki quriladi.

Tadbirda Respublika Ma’naviyat va ma’rifat markazi tashabbusiga ko‘ra 2019-yilning 29-maygacha mamlakatdagi barcha maktab o‘quvchilar orasida eng ko‘p kitob o‘qigan o‘quvchi yozgi ta’til davrida O‘zbekistonning tarixiy  shaharlaridan biriga bir haftalik sayohat yo‘llanmasini qo‘lga kiritishi to‘g‘risidagi e’lon ham aytib o‘tilgan.

Foto: Respublika Ma’naviyat va ma’rifat markazi matbuot xizmati

Foto: Respublika Ma’naviyat va ma’rifat markazi matbuot xizmati

Foto: Respublika Ma’naviyat va ma’rifat markazi matbuot xizmati