“Hamma raqsga tushdi”. Xalqaro baxshichilik festivalining tantanali ochilish marosimidan qiziqarli fotoreportaj

Surxondaryo viloyati, Termiz shahrida 5—10-aprel kunlari Xalqaro baxshichilik festivali bo‘lib o‘tishi haqida xabar berilgandi.

Jurnalist Feruz Muhammadning ma’lumotiga qaraganda, Xalqaro baxshichilik festivalining tantanali ochilish marosimi 6-aprel kuni Termizning San’at saroyi hududida yangidan barpo etilgan ko‘chma sahna maydonida bo‘lib o‘tgan.

Festivalda O‘zbekiston Respublikasi Prezidenti Shavkat Mirziyoyev, hukumat a’zolari, chet ellik mehmonlar, xorijiy hamda mahalliy OAV xodimlari ishtirok etdi.

Tantanali ochilish marosimida Shavkat Mirziyoyev nutq so‘zladi.

Madaniyat vaziri Baxtiyor Sayfullayev, rejissorlar Bahodir Yo‘ldoshev hamda Rustam Shamsiddinovlar rejissorligida sahnalashtirilgan marosim, undagi turfa chiqishlar, raqslar Abduhoshim Ismoilov boshchiligidagi sozandalar kechani unutilmas darajada o‘tishiga zamin hozirladi.

Birinchi xalqaro baxshichilik festivali 10-aprelgacha davom etadi.