“Manchester Yunayted” qiziqayotgan Deklan Raysning narxi ma’lum bo‘ldi

“Manchester Yunayted” “Vest Hem” himoyachisi Deklan Raysni hali ham sotib olish niyatida, deb xabar berdi Independent.

Ma’lumotlarga ko‘ra, mankunianlar Angliya terma jamoasida debyut o‘yinini o‘tkazgan 20 yoshli futbolchi uchun 34 million yevro atrofida mablag‘ taklif qildi.

Ammo London klubi Raysni 50 milliondan ortiq yevroga baholamoqda.

Futbolchining “Vest Hem” bilan tuzgan shartnomasi 2024-yilgacha amal qiladi va u haftasiga 30 ming funt maosh oladi.

Ma’lumot uchun, londonliklar himoyachisi Angliya chempionati doirasida 29 ta uchrashuvda 2 ta gol urishga muvaffaq bo‘ldi.