Britaniyalik politsiyachilar hech qachon qonun buzmagan 104 yoshli ayolning orzusini amalga oshirib, uni “hibsga olgan”, deya xabar beradi “TASS”.
O‘z orzusi haqida Enn Brokenbrou hayriya tashkiloti tomonidan o‘tkazilgan aksiyada aytib bergan. Qariyalar uyida o‘tkazilgan aksiyada qariyalarning istagi haqida so‘ralgan, “Meni hibsga olishlarini istayman. Yoshim 104 da va men hech qachon qonun buzmaganman”, — deb yozadi ayol.
Uning istagi hayriya tashkiloti tomonidan mahalliy politsiyaga yetkazilgan va tez fursatda qariyalarning uyiga politsiya yetib kelgan. Konstebl Stiven Xarding va jamoatchi politsiyachi Kelli Foyl ayolga kishan solgan. Shundan so‘ng ayol shahar bo‘ylab politsiya mashinasida aylantirilib, qariyalar uyiga qaytarilgan.
“Bu ajoyib kun edi. Men bilan avval bunday narsa ro‘y bermagan. Menga kishan solishdi”, — deydi Brokenbrou.
Dastavval politsiyachini ko‘rgan ayol o‘z istagi haqida butkul unutgan, ularning maqsadini eshitgach esa xursand bo‘lgan. U politsiyachilar tomonidan hibsga olingan eng keksa ayol edi.
Izoh (0)