Oy davomida mahsulotlar narxi 1,8 foizga qimmatlashdi. Xususan, oziq-ovqat mahsulotlari 2,0 foizga, nooziq-ovqat mahsulotlari 1,5 foiz, xizmatlar narxi esa 0,8 foizga oshdi, deb yozadi O‘zA.
Davlat statistika qo‘mitasi e’lon qilgan 2019-yilning fevral oyida O‘zbekiston Respublikasi iste’mol sektoridagi inflyatsiya darajasi haqidagi ma’lumotda ushbu raqamlar qayd etildi.
Oy davomida narxlarning o‘sishi borasidagi uchlik:
• Asosiy turdagi oziq-ovqat mahsulotlari narxlarning o‘sishi borasidagi yetakchilik meva-sabzavot mahsulotlariga tegishli – 4,0%ga qimmatlashgan;
• ikkinchi o‘rinda umumiy ovqatlanish muassasalari – 3,3 foiz;
• uchlikning so‘nggi pog‘onasida sut mahsulotlari – 3,2 foizga qimmatlashgan.
Go‘sht mahsulotlari orasida kolbasa va dudlangan go‘sht narxlari sezilarli darajada qimmatlashgan, parranda go‘shti mahsulotlari esa aksincha, biroz arzonlashgan.
Shakar, choy, qandolat va boshqa oziq-ovqat mahsulotlari narxlari oy davomida o‘rtacha 1,7 foizga oshgan.
Non mahsulotlari guruhi:
• yorma va dukkakli, makaron mahsulotlari – 2,4 foiz;
• mosh 2,3 foiz;
• guruch 1,9 foiz;
• tandir non 0,5 foiz,
• bug‘doy uni 0,4 foizga qimmatlashgan.
Izoh (0)