Bugun 19-fevral kuni Toshkentda “Markaziy Osiyoda o‘zaro mushtaraklik: tahdidlar va yangi imkoniyatlar” mavzusida xalqaro konferensiya boshlandi, deb xabar berdi O‘zA.
Tadbirda O‘zbekiston Respublikasi Oliy Majlisi Senati raisining birinchi o‘rinbosari Sodiq Safoyev Markaziy Osiyo davlatlari munosabatlarida hamjihatlik, do‘stlik izchil rivojlanayotgani, o‘zaro aloqalarning bugungi holati kechagidan tubdan farq qilishini ta’kidladi.
“Mintaqa davlatlarining hamkorlikdagi tashabbuslari bilan bugungi kunda o‘zaro munosabatlarda ijobiy o‘zgarishlar yuzaga keldi va bu jarayon shiddat bilan rivojlanmoqda. E’tibor qiling, hozirda mamlakatimiz chegarasidan qo‘shni davlatlarga bir kunda 100 mingdan ziyod kishi hech bir qiyinchiliklarsiz o‘tmoqda. Yana bir o‘zgarishlardan biri - bu mintaqaviy kengashlar, yig‘ilishlarning Afg‘oniston ishtiroksiz o‘tmayotganidir. Zero Afg‘on zaminida tinchlik o‘rnatilishi mintaqaning nafaqat barqaror rivojlanishiga, shuningdek, Osiyoni Yevropa davlatlari bilan savdo-iqtisodiy sohadagi hamkorlik kuchayishiga xizmat qiladi”, – dedi Sodiq Safoyev.
Izoh (0)