16-fevral, shanba kuni futbol bo‘yicha Portugaliya chempionatining 22-turi doirasida navbatdagi uchrashuv bo‘lib o‘tdi.
O‘zbekiston terma jamoasi hujumchisi Sardor Rashidov to‘p surayotgan “Nasional” klubi o‘z maydonida “Feyrensi” jamoasi bilan bahsga kirishdi.
Uchrashuvning 12, 54, 67-daqiqalarda “Lokomotiv” sobiq o‘yinchisi, o‘zbekistonlik Sardor Rashidov raqib darvozasini ishg‘ol qildi va het-trikka erishdi. O‘yindagi so‘nggi golga Sardorning jamoadoshi Brayan Roches mualliflik qildi (80).
Shu tariqa “Nasional” klubi Sardor Rashidovning het-triki evaziga “Feyrensi”ni yirik hisobda mag‘lub etdi.
Primeyra Liga
22-tur bahsi
16-fevral, shanba
“Nasional”—“Feyrensi” 4:0
Gollar: 1:0 — 12 Rashidov, 2:0 — 54 Rashidov, 3:0 — 67 Rashidov, 4:0 — 80 Roches.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)