Bill Geyts soliqlarning pastligidan shikoyat qildi
Dunyodagi eng boy odamlarning ro‘yxatida ikkinchi o‘rinni egallagan, 96,7 milliard AQSh dollarga teng boylikka ega Microsoft asoschisi Bill Geyts yana bir bor uning soliqlar summasi ozligidan norozi ekanini bildirdi. Bu haqda “ForumDaily” xabar berdi.
Tadbirkor u tomondan to‘langan soliq miqdori qariyb 10 milliard AQSh dollardan oshgan bo‘lishiga qaramay undan ham ko‘p pul to‘lashi mumkinligini ma’lum qilgan.
Geyts o‘zini “qonunga itoatkor” soliq to‘lovchi deb atadi, ammo AQShda soliq stavkalari yanada progressiv bo‘lishi kerak, degan fikrni bildirdi. Shuningdek, milliarder boshqa boylar singari o‘zini boyliklariga arzimasligini aytgan. Uning so‘zlariga ko‘ra, u vaqt, omad va u bilan ishlagan odamlar tufayli boylikka erishgan.
Geyts meros solig‘ini oshirish foydasi haqida ham gapirgan: AQShda ota-onalar farzandlariga 11,5 million AQSh dollardan ortiqroq pul tashlab ketishi mumkin, ammo u soliqqa tortilmaydi.
Microsoft asoschisining fikriga ko‘ra, u boyligini faqat o‘z farzandlariga qoldirishi jamiyatga foyda keltirmaydi. U boyligining ma’lum bir miqdorini farzandlariga qoldirishini ta’kidladi.
Geytsning aytishicha, pullarining bir qismi, shaxsiy xarajatlari, meros va soliqlarni hisobga olmaganda, kambag‘al mamlakatlarga kasalliklar bilan kurashish uchun xayriya qilinadi.
Dunyodagi ikkinchi o‘rindagi boylikka ega bo‘lgan Geyts o‘zining saxiyligi bilan mashhur.
2017-yilda u 17 yil ichidagi eng katta 4,6 milliard AQSh dollarga teng hayriyani amalga oshirgan.
