Forbes jurnali O‘zbekistonning kriptovalyuta va blokcheyn tizimiga o‘tishi haqida yozdi.
Foto: Forbes
Bu kripto valyuta tizimi Venesuela Petro tangasi yoki Abhaziyaning Gruziya xalqi ustidan o‘rnatgan tanga siyosatiga o‘xshagan bo‘lmaydi, deb tahlil qilinadi jurnalda.
Shavkat Mirziyoyevning ta’kidlashicha, kripto hech bo‘lmaganda kripto valyuta savdogarlari uchun qonuniy tender hisoblanadi. U Markaziy Osiyo davlatlari o‘rtasida sentabr oyida almashinuvni qonuniylashtirishgan va o‘sha oyning o‘zida startap, tadqiqot va taraqqiyot bilan bog‘liq blokcheynga investitsiya kiritish uchun “Raqamli ishonch” nomli jamg‘arma tashkil qilgan. Yangi texnologiyalar uchun investitsiya vositasi bo‘lishdan tashqari, “Raqamli ishonch” mamlakatga kripto dunyosida ozgina bo‘lgan STO (blokcheyn loyihalarga investitsiya kiritish shakli) olib kirishga urinyapti.
“Biz STOga juda ehtiyotkorlik bilan qarayapmiz va buning asoslarini ishlab chiqmoqdamiz. ICO sarmoyadorlar uchun shunchaki reklama bo‘lganini, tangalarni qaytarish uchun aktivlari yo‘qligini tushunamiz. STO esa qonuniy investitsiya hisoblanib, aktivlarni qimmatbaho qog‘ozga aylantirib olish mumkin. Hozirda mana shu bozorni qurish uchun qonunlar ustida ishlayapmiz. Lekin shoshib, xato qilishni xohlamaymiz,” — deydi “Raqamli ishonch” kompaniyasining investitsion bo‘yicha direktori Bobir Oqilxonov Forbes jurnaliga.
U boshqaruvdagi mablag‘larini oshkor qilmadi. Ayni paytda, O‘zbekiston kripto bozordan alohida faoliyat yuritadigan blokcheynni sinovdan o‘tkazmoqda. Qo‘shni Qozog‘iston ham hech narsani o‘tkazib yubormaslik uchun xuddi shu yo‘ldan boryapti. Jamg‘armaning asosiy fondlaridan biri – “Delta Siti”. U aqlli shahar loyihasini o‘zida jamlagan, ammo tokenlarga ega bo‘lmagan Toshkentdagi yirik ko‘chmas mulk loyihasi hisoblanadi.
Ma’lumot uchun: STO — o‘z turiga ko‘ra, rasmiy ravishda qimmatbaho qog‘oz (aksiya) sifatida e’tirof etilgan va uning vazifalarini bajarishi kerak bo‘lgan token taklifidir.
