Bugun,

  • USD 11095.31
  • RUB 173.84
  • EUR 10772.44

Terrorchilikni moliyalashtirishda va teraktlarni tayyorlashda ayblanayotgan besh nafar O‘zbekiston va bir nafar Qirg‘iziston fuqarosi ustidan sud Shvetsiyada 7-yanvar, dushanba kuni boshlanadi, deb xabar beradi “Podrobno.uz”.

Foto: “Podrobno.uz”

Foto: “Podrobno.uz”

Ayblanuvchilar Akramjon Ergashev, David Idrisson, Shoahmad Mahmudov, G‘ulom Tojiyev va Baxtiyor Umarov O‘zbekiston, Otabek Abdullayev esa Qirg‘iziston fuqarolaridir.

Abdullayev, Ergashev, Idrisson va Umarov 2018-yil mayidan, Tojiyev — oktabrdan buyon hibsda saqlanmoqda. Mahmudov 2018-yil sentabrida qo‘lga olingan, keyinroq sud uni hibsdan ozod qildi.

Akramjon Ergashev IShID vakillariga yo‘naltirilgani taxmin etilayotgan pul o‘tkazmalarida ayblanmoqda. Idrisson, Mahmudov va Abdullayev ham terrorchilarga pul o‘tkazishda va Shvetsiyada teraktlar tayyorlashda gumon qilinmoqda. Buning uchun ular yuzlab litr va kilogram kalsiy gipoxloriti, vodorod peroksidi, kaliy gidroksidi va oltingugurt kislotasini sotib olgan. Shuningdek, ular to‘rtta ratsiya, gazniqob, tizzaband, maxsus qo‘lqop va boshqa uskunalarni ham xarid qilgan.

Tergov ma’lumotlariga ko‘ra, Idrisson, shuningdek, 49 gramm gashishni noqonuniy saqlashda ham ayblanmoqda. Abdullayev bankda hisobvaraq ochishda qalbaki hujjatlardan foydalangan. Umarov pul o‘tkazmalarini amalga oshirishda soxta Gretsiya pasportini ko‘rsatgan.

Sud ishi fevralda yakunlanishi kerak.

Izoh
Asosiy yangiliklar
Mahalliy
O‘zbekistonda Urug‘chilik hamda pistachilik ilmiy markazlari tashkil etiladi
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Maslahatlar
Shirinliklar o‘rniga nima iste’mol qilish mumkin? Qaddi-qomatga zararsiz tavsiyalar