Bugun,

  • USD 11095.31
  • RUB 173.84
  • EUR 10772.44

Uch oy avval izsiz yo‘qolgan xitoylik mashhur aktrisa va qo‘shiqchi Fan Binbin birinchi marta ijtimoiy tarmoqlarda ko‘rinish berdi, deb yozadi Tengrinews.

Foto: Tengrinews

Foto: Tengrinews

“Iks odamlar” va “Temir odam” filmlari yulduzi hukumatdan o‘zining haqiqiy daromadini yashirgani va soliq to‘lashdan bosh tortgani uchun jarimaga tortilgan. U qariyb 130 million dollar to‘lashi kerak, aks holda u jinoiy javobgarlikka tortiladi.

Jarimaga tortilish xavfi haqidagi yangiliklar Xitoy rasmiy OAVlarida paydo bo‘lgach, 37 yoshli aktrisa ijtimoiy tarmoqdagi sahifasida ochiq bayonot e’lon qildi.

“Men barchadan chin dildan uzr so‘rayman. Jamoatda ko‘zga ko‘ringan shaxs sifatida, men qonunlarga rioya qilib, jamiyatga namuna bo‘lishim kerak. Hatto moliyaviy foyda ko‘zlab ham o‘zimni yo‘qotmasligim va qonunni buzmasligim kerak. Kommunistik partiya, yaxshi davlat siyosati va odamlarning sevgisisiz Fan Binbin mavjud bo‘lmagan bo‘lardi”, — deb yozdi u.

Fan Binbin — Xitoyda eng ko‘p daromad oluvchi aktrisa. 2018-yil iyulidan buyon u na ijtimoiy tarmoqlarda, na omma oldi ko‘rinish bermayotgan, qo‘ng‘iroqlarga ham javob bermayotgan edi. Uning qayerda ekanligi va umuman, tirik yoki o‘lganligi ham noma’lum edi.

Uning yo‘qolib qolishi ehtimoliy sabablaridan biri sifatida uning soliq to‘lashdan bosh tortganligi aytib o‘tildi. Binbin Gollivudda ikkinchi darajali rollar ijro etgani uchun hukumat unga e’tibor qaratdi. U bojxona uchun  shartnoma bo‘yicha 1,5 million dollar ishlab topgan, aslida esa uning daromadi 8 million dollar bo‘lgan.

Izoh
Asosiy yangiliklar
Dunyo
Eron oliy rahnamosi Yevropa davlatlarida Qur’onning yoqib yuborilishiga munosabat bildirdi  
Moliya
2022-yilda O‘zbekistonga pul o‘tkazmalari rekord darajadagi 17 mlrd dollarga yetdi
Mahalliy
Fotogalereya: O‘zbekiston va Qirg‘iziston o‘rtasidagi tarixiy aloqalar