JCB International Co. Ltd va “O‘zsanoatqurilishbank” ATB O‘zbekistonda JCB to‘lov tizimini “O‘zsanoatqurilishbank” tarmoqlari orqali qabul qilinishi bo‘yicha litsenziya shartnomasi imzoladi. Bu haqda, bank matbuot xizmatiga asoslanib, “Xalq so‘zi” xabar qildi.
Qayd qilinishicha, “O‘zsanoatqurilishbank” O‘zbekistonda JCB xalqaro to‘lov tizimining kartalarini qabul qiladigan birinchi bank bo‘ladi. JCB kartasi egalari “O‘zsanoatqurilishbank” bo‘limlaridan pul olishi va O‘zbekistondagi savdo va xizmat ko‘rsatish korxonalari tarmog‘ida xaridlarni amalga oshirishi mumkin bo‘ladi.
“O‘zsanoatqurilishbank” O‘zbekistonga tashrif buyuradigan, JCB kartochkalarini egalariga yordam berishga, mamlakatda qulay shart-sharoitlar yaratishiga yordam beradi. O‘zbekiston YuNESKOning Jahon merosi obyektlari: Samarqand, Buxoro, Xiva, Qarshi bilan bog‘langan. Ushbu yo‘nalishlar qadimiy tarixni anglatadi va butun dunyodagi sayyohlar uchun qiziqarli”, — deydi JCB International Eurasia bosh direktori Takashi Suesugu.
Ma’lumot uchun, JCB to‘lov tizimiga 1961-yilda Yaponiyada asos solingan bo‘lib, u yetakchi xalqaro to‘lov tizimlaridan biri hisoblanadi. 1981-yilda JCB xalqaro bozorga kirgan Osiyodagi birinchi to‘lov tizimi bo‘lgan. JCB dunyo bo‘ylab kartochkalarni qabul qilish tarmog‘ini faol ravishda rivojlantirish, bozor yetakchilari bilan hamkorlik qilish va savdo va xizmat ko‘rsatish korxonalari bilan sheriklik aloqalarini yo‘lga qo‘yishda davom etmoqda.
Izoh (0)