AQSh savdo vazirligi 12 ta Rossiya kompaniyasiga nisbatan sanksiyalar kiritishga qaror qildi, deb yozadi “Dojd”. Tegishli hujjat Federal reyestr saytida e’lon qilindi.
Cheklovlar “Aerokompozit”, “Dayvtexnoservis”, “Gamma” ilmiy-ishlab chiqarish korxonasi, “Vektor” ITI, “Nilco Group, “Sayrus Sistems”, “Vega” ITI kabi kompaniyalarga tegishli bo‘ladi. Ularning barchasi Entity list ro‘yxatiga kiritiladi va ularga nisbatan qo‘sh maqsadli Amerika mahsulotlari eksportini rad etish prezumpsiyasi amal qilishni boshlaydi.
Hujjatda aytilishicha, ushbu kompaniyalar AQSh milliy xavfsizligiga tahdid soladi va uning tashqi siyosiy manfaatlariga zid tushadi. Nilco Group Eron raketa dasturiga moddiy ko‘mak berishi, “Vektor”, “Gamma”, “Sayrus Sistems” kompaniyalari esa kiberhujumlarga aloqadorligi tufayli sanksiyalarga duchor bo‘ldi.
Hujjat 26-sentabr kuni rasman e’lon qilinadi va kuchga kiradi.
Izoh (0)