Efiopiya politsiyasi mamlakat poytaxti Addis-Abeba shahri atrofida yuz bergan etnik to‘qnashuvlarda bevosita ishtirok etgan 1200 dan ortiq kishini qo‘lga oldi. Bu haqda “RIA Novosti” xabar berdi.
Sentabr oyining o‘rtasida Efiopiyaniing Oromiya provinsiyasi aholisi “Oromiya ozodlik fronti” (OLF) tashkiloti yetakchilarini qo‘llab-quvvatlash uchun namoyishga chiqqan. Shundan keyin shaharga kelgan yoshlar va mahalliy aholi o‘rtasida tartibsizliklar va to‘qnashuvlar yuzaga kelgan.
Tartibsizliklar uch kun davom etgan. Ma’lumotlarga ko‘ra, bu voqealar oqibatida 28 kishi qurbon bo‘lgan. Qo‘lga olinganlar mamlakat janubi-g‘arbidagi harbiy mashg‘ulot lageriga yuboriladi, ular lagerda reabilitatsion tadbirlarni o‘taydi.
Avgust oyida Efiopiya hukumati OLF bilan yarashish haqidagi kelishuvni imzolagan, tashkilot iyul oyiga qadar mamlakatdagi terroristik tashkilotlar ro‘yxatiga kirgan.
Izoh (0)